Sierras exteriors pirenencas
As sierras exteriors pirenencas[1][2] u sierras (pre)pirenencas exteriors[3] son una linia de relieus monterizos adintro d'o sistema montanyoso d'o Pireneu alto u baixo paralelas a l'eixe central d'a cordelera, que contienen normalment altarias que no pasan t'alto d'os 2000 metros d'altitut,[1] y que constituirían a primer barrera montanyosa d'o que se conoix como Prepireneu en sentiu cheografico.[1]
En chunto con as ditas sierras interiors, que se troba más en norte, trestallan a depresión meya intrapirenenca (anque ista no ye evident en buena cosa d'a cordelera). Igual como as sierras interiors, as exteriors pueden estar atravesadas transversalment por ríos que, tot erosionando-las, han esgarrapau vals fluvials a traviés d'ellas y s'han feito paso ta os Semontanos. En Aragón a mayoría d'istos ríos rematan como afluents por a man cucha de l'Ebro.
ReferenciasEditar
- ↑ 1,0 1,1 1,2 (es) El Relieve Aragonés. Descripción del territorio. Geografía de Aragón., consultada o 23 de noviembre de 2015.
- ↑ (es) Voz Pirineos en a edición en linia d'a Gran Enciclopedia Aragonesa, consultada o 23 de noviembre de 2015.
- ↑ (es) Var. Aut. Procesos biofísicos actuales en medios fríos: estudios recientes. Universidat de Barcelona. P. 208. ISBN 84-475-1923-6. [1]