O Sarrato

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre o Sarrato. Ta altros usos d'a palabra «Sarrato» se veiga sarrato (desambigación).

O Sarrato (oficialment, en castellano, El Sarrato) ye una aldeya aragonesa d'o municipio de l'Aínsa-Sobrarbe, en a comarca de Sobrarbe y a provincia de Uesca. Actualment se troba despoblada.

O Sarrato El Sarrato
Despoblau d'Aragón
Entidat  • País  • Provincia  • Comarca  • Municipio	Despoblau  Aragón  Uesca Sobrarbe L'Aínsa-Sobrarbe
Partiu chudicial	Boltanya
Población  • Total	0 hab. (2010)
Altaria  • Meyana	729 m.
Distancia  • 108 km  • 11 km	enta Uesca enta L'Aínsa
Codigo postal	22395
Parroquial  • Diocesi  • Arcipestrau	Uesca Semontano-Sobrarbe
Río	Bco. de Bruello
Coordenadas
O Sarrato O Sarrato en Aragón

Cheografía

O Sarrato ye un toponimo bien descriptivo, porque as dos casas que forman o nuclio se troban en alto en un sarrato menudo, en a baixant d'o Sarrastanyo ta la valleta d'o barranco de Bruello, en a cuentra d'ixa población.

Tiene una pista que lo mete en comunicación con a casa de Pelegrín (a pocos cientos de metros) y con a pardina d'a Capana, y a traviés d'ella con a carretera autonomica A-138 chusto adebant de l'esbarro de Cosculluela. Tamién tiene, en sentiu contrario, o camín tradicional de Sarratiás y de Bruello, que remonta la valleta d'o barranco dica la ermita de Sant Lino, con mas de 4 km de recorriu.

O Sarrato, con Bruello y as altras pardinas que se troba en a valleta d'o barranco, fizo parte d'o municipio de Santa María de Buil, que desapareixió en os anyos 1960 absorvido por l'Aínsa. Dende 1981, o municipio se diz l'Aínsa-Sobrarbe.

O Sarrato fa parte d'una dita popular en a redolada, que se mira ta expresar a baixa densidat de población d'ista parte de Sobrarbe, muit repartida en pardinas y aldeyas de nomás de tres u cuatro casas cadaguna. A dita diz:

O Sarrato, Sarratiello y Sarratiás,
once casas y tres lugars.

Popular

Efectivament, se fa alusión a las dos casas que tradicionalment han formau o Sarrato, siete que formaban Sarratiello, y dos mas que feban Sarratiás.

Referencias

• Datos: Q13049723