Valle d'a Cinca

Valle d'a Cinca
A valle d'a Cinca, tal como se vei de Puertolas
Administración
Estau
País	Aragón
Comarca	Alto Galligo
'
'
Cabecera	Puertolas
Capital	{{{capital}}}
Localidaz	{{{localidatz}}}
Chentilicio	{{{chentilicio}}}
Cheolochía
Acceso
Ríos	Río Cinca
Largaria
Orientación	Norte-Sud
Cheolochía
Tipo
Macizo	Pireneus
Mapa

Ista fualla ye escrita en l'aragonés d'a valle de Puertolas.

A valle d'a Cinca (en aragonés estándard val d'a Cinca) ye a forma como se'n dice de normal d'a valle que forma o río Cinca pasando per o Sobrarbe, partindo de tan d'alto como o forato d'as Debotas, en o municipio de Tella-Sin, dica pasato o congosto d'Entremont en la uno d'Abizanda. Ixo ye, per un regular, decir-ne d'o transecto que queda d'entre as sierras interiors y as exteriors d'o complexo cheografico pirenenco. A valle d'a Cinca ye l'eixe prencipal d'ista comarca natural, recevindo mica per baixo d'a suya metat (en l'Aínsa) l'augua de l'Ara. Tamién se'n dice a sobén asinas d'a cuenca que va fendo o río mesmo cuan que tira mes ta baixo a través d'o Semontano y d'a tierra de Fraga.

Boca d'o día en a valle d'a Cinca.

En o paso suyo per o Sobrarbe, a Cinca recibe l'augua, en sentito norte-sud y per o canto de levante, d'o río Irués en La Infortunada-Badaín, y a Nata en Cherbe, y mesmo per o canto ueste a Yaga en l'Hespital de Tella, o Bellós en Escalona, l'Ara en l'Aínsa y mes luego a Susía en Ligüerre. En o transcurso d'a valle per o Sobrarbe, a Cinca se represa en la Infortunada (0,4 hm³), Mediano (436 hm³) y lo Grau (401 hm³, pos a presa ye en o Semontano pero l'embalse queda parcialment en Sobrarbe).

Protección

L'alta valle d'a Cinca ye una zona d'especial protección pa las aus (ZEPA) (ES0000279) que cubre un aria de 147,08 km² entre os municipios de Bielsa, Fanlo, a Fueva, Chistén, a Buerda, a Espunya, Puértolas, o Pueyo d'Araguás, Sant Chuan de Plan y Tella-Sin.

Vinclos externos

• Se veigan as imáchens de Commons sobre a valle d'a Cinca.
• (es) Información d'a valle d'a Cinca

Se veiga tamién

• Hombre cerrudo.
• Hombre de Mataire.

• Datos: Q13050387
• Multimedia: Valle del Cinca / Q13050387