Cosculluela de Sobrarbe (municipio)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo tracta sobre o municipio de Cosculluela de Sobrarbe. Ta o lugar que le daba nombre, se veiga Cosculluela de Sobrarbe.
Cosculluela de Sobrarbe (oficialment, en castellano, «Coscojuela de Sobrarbe»[1]) ye un municipio historico d'Aragón, en o que en l'actualidat ye a comarca de Sobrarbe y en a provincia de Uesca.
| Cosculluela de Sobrarbe | |
| Antigo municipio d'Aragón | |
| Entidat • País • Provincia • Comarca |
Antigo municipio Aragón.svg){kind=small} UescaSobrarbe |
| Capital | Cosculluela de Sobrarbe |
| Municipio actual | L'Aínsa-Sobrarbe |
| Población • Total |
131 hab. (1960) |
| Altaria • Meyana |
601 m. |
| Distancia • 104 km |
enta Uesca |
| Parroquial • Diocesi • Arcipestrau |
Balbastro-Monzón Sobrarbe-Ribagorza |
| Ríos | Cinca |
| Coordenadas | |
Se'l puede documentar dende os primers censos mudernos de 1842[1] dica la suya absorción en o municipio de l'Aínsa en os anyos 1960.[1]
Cheografía
editarO municipio en primeras no incluiba sique o lugar de Cosculluela de Sobrarbe, que mientres toda la suya existencia en fue a capital.
Cosculluela se troba en un plano que forma una colladeta d'entre as dos alturas mayors que tiene o dito «tozal de Cosculluela», y domina d'una mano a valleta d'o barranco de a Capana, corso d'augua menor que desembocaba en a Cinca aman d'ixa localidat, y por l'altra la valle d'a Cinca, que en l'actualidat ye ocupada a ran de Cosculluela por o pantano de Mediano.
Tot lo termin municipal, por tanto, se trobaba comprendiu en a valle principal d'o río Cinca, y teneba mugas con os municipios de l'Aínsa en norte (que remataría por absorver-lo), Cherbe y Griébal por o nord-este, Mediano por o sudeste, Castillón de Sobrarbe por o sudueste, y Santa María de Buil por l'ueste y o norueste. D'entre ellos, os nuclios que perteneixeban a los achuntamientos de l'Aínsa, Cherbe y Griébal, Castillón de Sobrarbe y Santa María de Buil se troban concabidos en o municipio actual de l'Aínsa-Sobrarbe, mientres que os de Mediano pasón a incorporar-se a la Fueva en os anyos 1970.[2]
Nuclios
editarGosón perteneixer a o municipio de Cosculluela un numer maximo de 4 lugars, d'entre os cuals uno, Tou, no se guarda conoixencia que haiga estau poblau en os zaguers sieglos.
Con Cosculluela, s'unión os achuntamientos de Moriello de Tou y Plampalacios en o periodo intercensal 1842-1857,[1] tot formando-se o municipio tal como lo conoixió lo sieglo XX. Moriello de Tou lievaba con él a o despoblau medieval de Tou, que se tornó lo cuatreno nuclio d'o municipio.
Plampalacios y Moriello de Tou, con 51 habitants cadagún,[3] se despoblón en os anyos 1960 como consecuencia d'a construcción d'o pantano de Mediano, porque os dos lugars quedaban en l'aria d'incidencia directa de l'afogue y a Confederación Hidrografica de l'Ebro éls expropió, de forma que a partir de 1969, cuan o pantano tancó as compuertas definitivament, no i quedó poblau sique Cosculluela.
Manimenos, Cosculluela, que tamién basaba la suya economía en o sector primario no pasó indemne por o trango que suposó a inundación de numerosas fincas agricolas con Mediano, y en os anyos siguients continó con a sangría demografica de camín ta la emigración. O proceso de despoblación d'o nuclio de Cosculluela de Sobrarbe no s'ha comenzau a revertir dica istos zaguers anyos, en os que i han dido arribando paulatinament bels vecinos nuevos, sobre tot d'oríchens foranos, que i han trobau un puesto tranquilo ta reposar-se y ta pasar-ie a chubilación.
Demografía
editar
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| 1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE. | ||||||||||||||||||
Evolución d'a población de Cosculluela de Sobrarbe dende 1857.
Imáchens
editar-
Un edificio en o lugar de Cosculluela de Sobrarbe. -
A valle d'a Cinca dende Cosculluela. -
O pantano de Mediano, que causó a despoblación d'o municipio, dende a Penya d'o Cotón, sobre Moriello de Tou. -
-
-
Casa Cambra (s. XVIII) de Moriello de Tou.
Os altros municipios absorvidos en l'Aínsa-Sobrarbe
editarO municipio de l'Aínsa-Sobrarbe se formó en 1981 por a fusión d'os achuntamientos de l'Aínsa y d'Alto Sobrarbe. Pero dende denantes cadagún d'ellos ya s'heba absorvido belaltros municipios.
En a siguient lista se describe l'orden d'absorcions y/o fusions municipals dica formar-se l'Aínsa-Sobrarbe, con os subepigrafes que indican achuntamientos que fuén absorvidos por o suyo respective achuntamiento epigrafe.
- L'Aínsa
- Alto Sobrarbe
Ista información s'extrai de l'aplicación «Intercensal» de municipios en a pachina de l'«Insitituto Nacional de Estadística».[4]
Referencias
editar- ↑ 1,0 1,1 1,2 1,3 (es) «Coscojuela de Sobrarbe» en a subpachina «Alteraciones de los municipios en los Censos de Población desde 1842» d'o Instituto Nacional de Estadística; consultada l'1 de mayo de 2011.
- ↑ (es) «Mediano» en a subpachina «Alteraciones de los municipios en los Censos de Población desde 1842» d'o Instituto Nacional de Estadística, consultada l'1 de mayo de 2011
- ↑ Cartel informativo en Cosculluela de Sobrarbe.
- ↑ (es) Intercensal. Alteraciones de los municipios en los Censos de Población desde 1842.
Datos: Q13048843
