Guerra de Succesión Espanyola
.svg){kind=small}
.svg){kind=small}
A Guerra de Succesión Espanyola (1701-1713/1715) estió un conflicto belico internacional por a succesión a la cadiera reyal d'as coronas hispanicas dimpués d'a muerte de Carlos II, que duró dende 1701 dica 1713, encara que a resistencia en Catalunya continó dica l'anyo 1714 y en Mallorca dica 1715, y que remató con o establimiento d'a Casa de Borbón en Espanya.
Entre as coronas hispanicas, a Corona de Castiella refirmó a Felipe de Borbón mientres que, dimpués de 1705, os estatos d'a Corona d'Aragón s'alinioron con o pretendient Carlos d'Austria. Por ixo, lo trunfo de Felipe de Borbón significó a fin d'os dreitos y privilechios d'os reinos d'a Corona d'Aragón, que s'uniformizoron seguntes as leis de Castiella por os Decretos de Nueva Planta.
CronolochíaEditar
1700Editar
3 d'octubreEditar
Carlos II fa o suyo testamento en favor de Felipe d'Anjou.
1 de noviembreEditar
Carlos II feneixe.
1701Editar
3 d'otubreEditar
Felipe de Borbón chura as constitucions de Catalunya en Barcelona.
17 de noviembreEditar
Felipe de Borbón chura os Fueros d'Aragón en Zaragoza.
1703Editar
12 de setiembreEditar
Carlos d'Austria ye nombrau rei d'a Monarquía Hispanica en Viena.
1705Editar
7 de noviembreEditar
Carlos d'Austria dentra en Barcelona.
1706Editar
10 d'otubreEditar
Carlos d'Austria dentra en Valencia.
1707Editar
25 d'abrilEditar
Batalla d'Almansa: victoria d'as tropas de Felipe de Borbón.
29 de chunioEditar
Felipe de Borbón emitió decreto que suprimiba la organización politica d'Aragón y Valencia.
1710Editar
20 d'agostoEditar
Batalla de Zaragoza: victoria d'as tropas de Carlos d'Austria.
1711Editar
17 d'abrilEditar
Chusé I d'o Sacro Imperio Román Chermanico feinexe. Carlos d'Austria ye nombrau o suyo succesor.
22 d'avientoEditar
Carlos d'Austria ye coronau Emperador d'o Sacro Imperio Román Chermanico en Frankfurt d'o Main con o nombre de Carlos VI.
1714Editar
11 de setiembreEditar
Barcelona caye debant de l'asalto d'as tropas de Felipe de Borbón.
1716Editar
16 de chineroEditar
Decreto de Nueva Planta de Catalunya.
ConseqüenciasEditar
Represión politicaEditar
As institucions propias d'os países d'a Corona d'Aragón desapareixioron con a imposición d'os Decretos de Nueva Planta. Aragón, Balears, Catalunya y Valencia desapareixioron como estatos independients y pasoron a estar meras provincias d'o Reino de Castiella.
ExilioEditar
Dentre 25.000 y 30.000 austracistas abandonoron Espanya y s'exilioron en atros países.[1] Muitos d'ells acaboron en Viena. Muitos atros s'exilioron enta Sicilia y Nápols.
O 4 d'octubre de 1734 s'alcuerda creyar en o lugar serbisco de Zrenjanin una colonia formada por os exiliaus espanyols con o nombre de Nova Barcelona.[2]
Destrucción de ciudatz y lugarsEditar
As tropas borbonicas participoron en a destrucción sistematica de ciudatz y lugars que s'oposaban a Felipe de Borbón. Por eixemplo Exeya d'os Caballers, Uncastiello, Luesia y Magallón en o Reino d'Aragón u Exativa, Alchezira, Alcoi en o Reino de Valencia.
Veyer tamiénEditar
ReferenciasEditar
- ↑ (es) Joaquim Albareda Salvadó:La guerra de Sucesión de España (1700-1714), Ed. Crítica, 2010,p.419
- ↑ (es) [https://1714.mhcat.cat/es/ambit08/exili.html Exposición virtual "Catalunya y la Guerra de Sucesión" d'o Museu d'Historia de Catalunya