Xarafuel

Xarafuel (Jarafuel en castellán, Xarafull en catalán) ye un municipio de la provincia de Valencia, situau en la comarca de Requena-Utiel, en la Valencia castellana. La suya población ye de 808 habitants (2015), en una superficie de 103,10 km² con una densidat de población de 7,81 hab/km².

Xarafuel
Municipio d'o País Valencián
Entidat  • Estau  • Comunidat  • Provincia  • Comarca	Municipio Espanya  País Valencián Valencia Requena-Utiel
Superficie	103,10 km²
Población  • Total	785 hab. (2016)
Altaria	650 m.
Distancia  • 113,5 km	enta Valencia
Codigo postal	46623
http://www.jarafuel.es/

Toponimia

Lo toponimo Xarafuel s'interpreta que ye un toponimo mozarabe con la radiz arabe xara y con lo segundo elemento derivau de lo latín FOLIU. En castellán medieval las variants documentals presentan x (Xarafuel, Xarafuell) u ch (Cherafuel), en catalán medieval presentan x (Xarafull, Xerafull) u s (Sarafull). En latín medieval gosan presentar x (Xarafull, Xerafull, Xaraful), pero en un texto latín escrito en Aragón una variant presenta ch (Charafull). En un texto escrito en aragonés medieval de las actas de las "Cortz de Barcelona" de 1436-1437 lo podemos veyer como Xarafuel:

...contaderos de la firma de los presentes capítulos, es assaber, Montreal, Torralba, Tresmoç, Lostunyeso, Cinarcas, Sot Chera, Xalant, Palaciols, Teresa, Zara, Xarafuel, Capdet e la Font de la Figuera con sus castellos e fortalezas, los quales fueron de los regnos de Aragón, e han de seyer restituhidos e tornados con sus términos e pertinencies al dito senyor Rey Daragon e a sus regnos e senyorias subditos naturales.