Abrir menú principal

Cutanda ye un lugar aragonés de la provincia de Teruel, situato en lo municipio de Calamocha y comarca de Xiloca.

Cutanda
Localidat d'Aragón
Anvista de Cutanda.
Anvista de Cutanda.
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Teruel (provincia).svg Teruel
Xiloca
Calamocha
Población
 • Total

49 hab. (2018)
Altaria 1.059 m.
Distancia
 • 14 km
 • 83 km

enta Calamocha
enta Teruel
Codigo postal 44210

La suya población ye de 49 habitants (2018).

CheografíaEditar

Lo lugar de Cutanda se troba situato a 1.059 metros d'altaria dencima de lo libel de la mar, a una distancia de 14 km de Calamocha, la capital de lo suyo municipio y de la suya comarca, y de 83 km de la ciudat de Teruel, la capital de la suya provincia.

HistoriaEditar

En lo periodo Andalusí Cutanta yera la capital d'un iqlim ("districto") dependient de Saraqusta. Lo Iqlim de Qutanda s'estendillaba por la compleganza de lo río Pancrudo[1] y plegaba dica lo naixedero de La Uerba[2]. La mención mes antiga de Cutanda ye d'Al-Udri (sieglo XI), y tamién ye mencionada por Al Idrisi (sieglo XII) y Yaqut (sieglo XIII). Atras fuents andalusís parlan de Cutanda como un punto de la ruta que siguió Abderramán III en la suya campanya de l'anyo 937 contra Saraqusta.

En chunio de 1120 estió scenario de la batalla de Cutanda, entre las tropas d'Alifonso I lo Batallero y los almorabetz, con victoria contundent de los cristians.

A diferencia d'atros lugars de la redolada, la villa de Cutanda nunca no fació part de la Comunidat de Daroca.

ReferenciasEditar

  1. (es) Ortega Ortega, Julián: Sociedad y administración del territorio en el tagr al-‘alà: El ejemplo del iqlim de Qutanda. Arqueología y territorio medieval, ISSN 1134-3184, Nº 5, 1998, pp 31-54.
  2. (es) María Jesús Viguera Molins: Aragón musulmán. La presencia del Islam en el valle del Ebro. Mira Editores, 1998. p 27.