Lacuna de Gallocanta
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
A cuenca d'a lacuna de Gallocanta u laguna de Gallocanta ye en metat d'o Sistema Iberico. Ye amugada en o nord-este por as sierras de Santa Cruz, Penya Alta y Valdellosa, y ta par d'o sud por os monts d'Odón y Torralba de los Sisons. Ye a bells 1.000 metros d'altaria, tien 7'7 km de longaria y 2'8 km de amplaria, y cuenta con una fondaria en os puestos más fundos de 1'5 m. A Lacuna de Gallocanta no siempre tien augua en a suya cuenca, ya que i hai periodos de plevias y de sequera.
| Lacuna de Gallocanta | |
|---|---|
| |
Administración
| |
| País |  Aragón
|
| Estau | |
| Provincia | |
| Comarca | Campo de Daroca |
| Municipio | |
Cheografía
| |
| Tipo | lacuna |
| Orichen | |
| Superficie | km² |
| Superficie | ha |
| Altaria | 1.000 m |
| Longaria | 7,7 km |
| Amplaria | 2,8 km |
| Fondura | 1,5 m |
| Volumen | hm³ |
| Fuent | |
| Desagüe | |
| Desagües | |
Mapa
| |
Os lugars que fan rolde a la lacuna son: Gallocanta, Berrueco, Tornos, Bello, Las Cuerlas. Una mica más luent trobamos: Santet, Fuset, Torralba de los Sisons, Odón y Castellón de Tornos.
ToponimiaEditar
Se fa mención de la laguna de Gallocanta en los textos medievals sobre las propiedatz de lo Monesterio de Piedra:
CheolochíaEditar
Ocupa o fondón d'una fuesa tectonica en una zona a on materials mesozoicos descansan sobre materials d'a era paleozoica. Os materials paleozoicos, viellos y con grau de metamorfismo, tienen poqueta porosidat (encara que sigan en o suyo orichen piedras d'arena) y fan de livel impermiable. Estos materials afloran enta l'este d'a lacuna fendo elevacions d'o terreno, desfendo-se en bloques de caras planas con costaus rectilinios, con un modelau de tipo berrocal que da nombre a dos lugars Berrocal y o Berrueco. Os materials mesozoicos afloran millor enta l'ueste. O centro d'a cuenca sedimentaria ye pleno, como ye normal, de materials quaternarios resultau d'a erosión recient d'o debantdito.
Fa bells mils d'anyadas la cuenca endorreica de Gallocanta yera mes gran y s'estendillaba dica buena part de lo nord-este de la provincia de Guadalachara. Los lugars de l'actual cuenca de lo río Piedra auguas ent'alto d'Embit yeran en la cuenca endorreica dica que la erosión regresiva d'este río en lo espacio a on que hue son las Foces de Torralba tenió como resultau final una captura fluvial y la formación de las anteditas foces.[2] A pesar d'esta perda de superficie, l'actual cuenca endorreica de Gallocanta encara ye la mes gran de la Peninsula Iberica.
FloraEditar
A lacuna, por estar quasi un ambient estepario, y por a man de l'hombre, ye plena de campos de cerials, tornasols, bell panizal, hortals y campos d'alfalz. En os monts encara se i puede veyer pins, carrascas u chaparras, caixicos y chinebros. An que i hai augua se troban os chopos y azarolleras. Os árbols fruitals más comuns son as almendreras, encara que se puede trobar bella manzanera. Antes más se cautivaba a vinya y o zafrán.
I ha gran cantidat de plantas halofilas que soportan muita salinidat y, por ixo, perfectas t'a lacuna. O sistema cuenta con bell endemismo y especies en protección como a Puccinella pungenns y o Luthrum flexousom, y bella Orchis palustris.
FaunaEditar
Encara que a lacuna, debito a la suya salinidat, no puede albergar peixes, sí que i ha un important numero d'aves, reptils y amfibios por os arroyos y as basas, y mamiferos por as sierras y monts. Cuenta con mas de 220 especies diferents d'aves, entre as mas importants os vueitres, alicas, grudas, porputz u "baubas" y fochas.
Entre os mamiferos podemos trobar-ie: corzos, paniquesas, rabosas, gatos montesins, bell ciervo, chabalins, fuinas, conillos, taixugos, etc. Son comuns en as basas y arroyos d'a redolada as ranas, zapos, fardachos u "ardachos" (que se minchaban fa poco tiempo), sargantanas u "sangartesas" y bella especie de serpient como as gripias.
ReferenciasEditar
- ↑ (es) FUENTE COBOS, Concepción: Libro de apeos del monasterio de piedra (1344). libro de cuentas de la bolseria del monasterio de piedra (Fuentes históricas aragonesas. Fuentes históricas aragonesas, 31. Institución Fernando el Católico, 2001, p. 70.
- ↑ (es) F. J. García Prieto, Francisco Gutiérrez Santolalla: Geomorfología karstica de las cuencas de Gallocanta y Jiloca (provincia de Teruel). Publicau en Teruel: Revista del Instituto de Estudios Turolenses, Vol. 87, Nº 1, 1999, pp. 63-68.