Casal
(Reendrezau dende Casar)
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
- Este articlo tracta sobre os casals como nuclios chicos de población. Pa atros usos d'a palabra casal, veiga casal (desambigación).
Un casal u casar ye un nuclio de población en o medio rural formau por unas pocas casas y edificacions. Son nuclios de población que en dependen d'atro de mes gran a on ye a casa d'a villa, seu d'o concello. Os casals no gosan tener ilesia parroquial.
A palabra casal con o significau de nuclio de población ya se documenta como elemento romanz en o latín medieval d'Aragón en una donación 1063, en ixas envueltas de Sancho Ramírez:
donamus et alaxamus... illa casa de Orante cum suas terras... et illas casas de Aguero cum suas haereditates... et illo casale de Castillilgo cum terras et uineas[1]
Tamién se troba en o "Libro de los Emperadors":
...fuyó en un casal que se clama Goileo, do fue preso e obcegado.
En l'Alto Aragón bi ha bell toponimo derivau de "casal" u "casar" como O Casal de Ceresa.