Escatrón

	Escatrón
	Municipio d'Aragón
Entidat; • País; • Provincia; • Comarca	Municipio; Aragón; Zaragoza; Ribera Baixa de l'Ebro
Partiu chudicial	Casp
Superficie	94,64 km²
Población; • Total	; 1156 hab. (2013)
Altaria; • Meyana	; 143 m.
Distancia; • 78 km	; enta Zaragoza
Alcalde	Potter
Codigo postal	50790
Chentilicio	escatronero
Patrons	Santa Agueda
Ríos	Ebro
Coordenadas	41°17′33.0606″N 0°19′29.1894″U
	Escatrón Escatrón en Aragón
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Escatrón ye un municipio aragonés en a comarca d'a Ribera Baixa de l'Ebro y d'a provincia de Zaragoza. Fa parte d'o partiu chudicial de Casp.

A suya población ye de 1.121 habitants (2011) en una superficie de 94,64 km², con una densidat de población d'11,84 hab/km².

Cheografía Editar

Ye situato a 143 metros d'altaria sobre o ran d'a mar, en a confluyencia d'o Martín con l'Ebro. Ye a una distancia de 78 km de Zaragoza, accesible por as carreteras N-232 y A-221.

Mugas Editar

O termin municipal d'Escatrón muga a o norte con Sastago; a l'este con Chiprana; a o sudeste con Sant Per de Calanda, Alcanyiz y Casp; a o sud con Castenló y a l'ueste con Sastago.

	Sastago
Sastago		Chiprana
	Castenló	Sant Per de Calanda, Alcanyiz, Casp

Historia Editar

L'antiga Scatro d'os romanos fue conquiesta por Alifonso I en 1133.^[1] Mientres siet sieglos, estió una dependencia feudal de l'amanato monesterio de Rueda, que se troba a l'atro canto de l'Ebro.^[1] En chunio de 1234 o rei Chaime I d'Aragón i recibió a o rei Ferrando III de Castiella.^[1]

A expulsión d'os moriscos comportó un important golpe ta Escatrón, encara que a diferencia d'atros puestos de l'arredol a población cristiana superaba en cifras a los moriscos.^[2]

Mientres a Guerra Civil Espanyola melicians anarcosendicalistas plegatos en columnas dende Barcelona ocuporon Escatrón en agosto de 1936, estando asinas a localidat en mans d'o Consello d'Aragón dica que o 12 de marzo de 1938, mientres a ofensiva d'Aragón, tropas franquistas i dentroron.^[2]

O lugar viello Editar

O lugar viello tiene casas d'os sieglos XVII y XVIII. Yera en fondo y con o problema d'os fumos d'a central termica; o lugar nuevo ye en un puesto millor situato, alto y plano, pa evitar os fumos. En o termino bi ha chacimientos ibero-romanos.

Literatura Editar

En o dance d'Escatrón se troban charratas en aragonés central, ye facil que por a presencia de pastors tensinos en a redolada dende fa sieglos. Eixemplos d'esto son estas linias sueltas:

Churo a Dios, señores míos
seguntes barrunto son chen de diablos
por astí en esta casa
según en vapor que me ha dato
mas a ver si se veyen
que será caso nombrato
mas yo faré d'as mías
en todos nuestros traballos
Cómo, señor, que no tiengo

Toponimia Editar

O suyo nombre promana d'o nombre de persona en latín "Scaterius".^[3]

En Escatrón bi ha bel toponimo con component en aragonés como as partidas de Novallas, Romaneta, Tomargo, Los Planos, El plano, La mechana, L'Enbitero, Cotón, El Mocatero, La Cerollera, La Radigüela, Efesa, etc.

Demografía Editar

Evolución demografica

1362 f	1495 f	1842	1857	1860	1877	1887	1897	1900
-	-	-	-	-	-	-	-	2.319

1910	1920	1930	1940	1950	1960	1970	1981	1991
2.291	2.106	2.128	1.944	3.270	3.526	2.314	1.483	1.343

1992	1994	1996	1997	1998	1999	2000	2001	2002
-	-	-	-	-	-	-	1.259	-

2003	2004	2005	2006	2007	2008	2009	2010	2011
-	-	-	-	-	1.154	-	1.132	1.121

2021	2022	2023	2024	2025	2026	2027	2028	-
-	1.156	-	-	-	-	-	-	-

1717-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración Editar

Reparto de concellers Editar

Eleccions municipals
Partiu	1979	1983	1987	1991	1995	1999	2003	2007	2011
Partido de los Socialistas de Aragón	2	6	7	5	5	5	4	5	5
Partido Popular	-	1	1	4	4	2	3	3	3
Partido Aragonés	-	2	1	-	-	2	2	1	1
Unión de Centro Democrático	7	-	-	-	-	-	-	-	-
Independientes	2	-	-	-	-	-	0	-	-
Total	9	9	9	9	9	9	9	9	9

Alcaldes Editar

Lista d'alcaldes
Lechislatura	Nombre	Partiu politico
1979–1983	Tomás Candala Pina	UCD
1983–1987
1987–1991	José María Yubero Burillo	Partido de los Socialistas de Aragón
1991–1995	José María Yubero Burillo	Partido de los Socialistas de Aragón
1995–1999	José María Yubero Burillo	Partido de los Socialistas de Aragón
1999–2003
2003–2007	José Manuel Ramón Falcón	PAR
2007–2011	María Carmen Aguerri Puel	Partido de los Socialistas de Aragón
2011–2015	María Carmen Aguerri Puel	Partido de los Socialistas de Aragón
2015-2019	Juan Abad Bascuas	Partido de los Socialistas de Aragón
2019-2023	Juan Abad Bascuas	Partido de los Socialistas de Aragón