Anarcosindicalismo

L'anarcosindicalismo ye una d'as brancas de l'anarquismo vinclata a lo movimiento obrero a traviés d'o sindicalismo. Ye un metodo d'organización y de luita d'os treballadors a traviés de sindicatos independients d'o poder politico. Ye lo resultato d'a sintesi de l'anarquismo y l'acción sindical revolucionaria. Ye diferent d'atros movimientos anarquistas en que lo suyo ambito d'actuación caracteristico (encara que no exclusivo) ye o mundo d'o treballo, complementando-se con atras organizacions d'ideolochía parellana ta la consecución d'as fins soniatas.

A color negra ye per l'anarquismo, y a roya per o sindicalismo.

Finalidat

O suyo obchectivo ye a conquiesta per parti d'os treballadors d'os meyos de producción y cambeo y a reorganización d'a sociedat seguntes os prencipios federalistas y d'a democracia dreita, autochestionando toz os tarabidatos socials y economicos per parti d'os mesmos treballadors. Ye per ixo que l'anarcosindicalismo ye radicalment diferent de cualsiquier atro modelo d'organización involuntaria u centralista, como o capitalismo y a organizazión estatalista u estatismo. A ista ideya se la conoix como autochestión.

Prencipios y tacticas

Os suyos prencipios fundamentals son: o federalismo, l'autochestión, l'acción dreita, o refirme mutuo, l'anticapitalismo y o internacionalismo.

Veyer tamién

• Anarquismo
• Sindicato
• Buenaventura Durruti
• CNT

Referencias

• Datos: Q188993
• Multimedia: Anarcho-syndicalism / Q188993