Abrir menú principal

CheografíaEditar

Ye situato a 178 metros sobre lo ran de la mar y a 102 km de Zaragoza, sobre la ripa dreita de l'Ebro.

Sastago
Escatrón   Casp
Casp Casp

ToponimiaEditar

Existen diferents hipotesis sobre lo suyo nombre. S'ha dito que bien de lo latín vulgar CIPRESUS, en latín clasico CUPRESSUS (Ciprés) y siga un caso de palatalización de CE, CI seguntes la fonetica mozarabe. Igual que en Cedriellas, puede referir-se a una cupresacia de lo terreno: la sabina Juniperus phoenicea u la sabina Juniperus thurifera.

Ye más facil que se remonte a lo nombre d'un fundus román, como muitos toponimos de la Val de l'Ebro, que tamién tienen lo sufixo de pertenencia -én, -ena, -án, -ana. La base sería CYPRIANA, femenín de CYPRIANUS. La evolucion dende CYPRIANA ta Chiprana s'explica tamién por la fonetica mozarabe, con palatalización de lo grupo CI-.

Bi ha muitos microtoponimos en aragonés (como Monconiller) u con trazas aragonesas.

Patrimonio naturalEditar

En lo termin municipal de Chiprana han establito la Reserva Natural d'as Saladas de Chiprana pa protecher la singularidat natural present en la "Salada de Chiprana". La "Salada de Chiprana" ye una de las pocas saladas de la peninsula Iberica con augua tota l'anyata. Bi ha un paleocanal en meyo. I ha tapices algars unicos en lo mundo y invertebratos endemicos. Manimenos las condicions han cambiato dende que la ceica "La fillola" i desemboca y han dulcificato l'augua, afavorindo a especies cosmopolitas. La especie de Tamariza que bi ha en a ripa de la lacuna ye diferent de lo Tamarix gallica más cheneral, ye Tamarix boveana.

Existe a mán una lacuna d'augua dulce de tot, La Estanca.

Patrimonio ArquitectonicoEditar

 
Ermita d'a Consolación


La ermita de la Virchen de la Consolación ye declarata Molimento Historico-Artistico Nacional; ye un edificio con repuis de lo Mausoleu de los Flavios en la frontera. Bi ha bells repuis romans en lo mesmo nuclio urbán de Chiprana.

ParlaEditar

La parla chipranesca ye visto como diferent por la cheny de lo Baixo Aragón y Ribera Baixa; ye conoixito como chipranesco y ye a variedat de lo castellán con más repuis d'aragonés a lo sud de l'Ebro, con caracters que lo relacionan con lo Sobrarbe y Semontano. Como palabra d'influencia Sobrarbesa u Ribagorzana tenemos lera, que en aragonés cheneral y en lo lexico de Casp y atros lugars vecins on se charra castellán, ye glera. La casa de la villa tien como retulo Casa de la Villa, en aragonés como en Andorra.

AdministraciónEditar

Reparto de concellersEditar

Eleccions municipals
Partito 1979 1983 1987 1991 1995 1999 2003 2007 2011
Partido Aragonés 5
Partido de los Socialistas de Aragón 2
Total 7

AlcaldesEditar

Lista d'alcaldes
Lechislatura Nombre Partito politico
19791983 Manuel Berges Barriendos [1] Partido de los Socialistas de Aragón
19831987
19871991
19911995
19951999
19992003
20032007
20072011
20112015 Francisco Javier Sergio Nicolás García Partido Aragonés

FiestasEditar