Monesterio de Rueda
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Este articlo ye sobre un monesterio aragonés dd la Orden de Cistels. Pa atros usos se veiga Rueda (desambigación).
Lo monesterio de Rueda ye un monesterio de la Orden de Cistels situau en la Ribera Baixa d'Ebro, que cuan abanzó la reconquiesta aragonesa succedió en importancia politica a lo Monesterio de Sant Chuan de la Penya.
| Monesterio de Rueda | |
|---|---|
 Anvista de lo monesterio | |
| Situación cheografica | |
| Estau | |
| País | |
| ' | |
| Situación |  Sastago, Aragón
|
| Adreza | |
| Coordenatas | |
| Archidiocesi | |
| Diocesi | Zaragoza |
| Arcipestrau | Quinto |
| Información cheneral | |
| Advocación | Santa María |
| Culto | |
| Orden | Cistels |
| Rector | |
| Vicario parroquial | |
| 2.º Vicario parroquial | |
| Mosen | |
| Propietario | |
| Administrador | |
| Director | |
| Coste | {{{coste}}} |
| Visitable | |
| Altaria | |
| Pisos | |
| Amplaria | |
| Largaria | |
| Superficie | |
| Diametro | |
| Aforo | |
| Altaria s.l.m. | |
| Atras | |
| Alcance | |
| Iluminación | |
| Potencia | |
| Arquitectura | |
| Tipo | Monesterio |
| Estilo | Romanico |
| Función | |
| Catalogación | |
| Materials | |
| Construcción | |
| Construcción | Edat Meya |
| Fundador | |
| Inicio | |
| Fin | |
| Inauguración | |
| Destrucción | |
| Arquitecto | |
| Incheniero estructural | |
| Incheniero de servicios | |
| Incheniero civil | |
| Atros | |
| Premios | |
| Pachina web | |
| Localización | |
Situación
editarYe situau a 74 kilometros de la ciudat de Zaragoza, en dirección ta Castellón. S'alza en la marguin d'Ebro, debant Escatrón, anque lo monesterio ye en terrenos de lo termin municipal de Sastago.
Orichen y evolución historica
editarLos reis d'Aragón n'empentan l'establimiento pa colonización y evanchelización de nuevas tierras de muga, cuasi deshabitadas, reconquiestas a los musulmans.
S'eslei un puesto en un tramo navegable aproveitando los recursos d'una ribera fértil y humida, con lumerosas islas (mechanas), y sotos fluvials (choperas, olmeras), una salada en explotación y monts pa paixentar lo bestiar.
L'orichen de lo Monesterio de Rueda encomienza en 1152, cuan los monches de Gimont fundan l'abadía de Nuestra Sinyora de lo Salz en la marguin de lo río Galligo. En 1162, lis cedioron tierras en Burchazut (Villanueva de Galligo) y fundoron l'abadía de Chuncería, que ye lo precedent de Rueda.
En 1182 lo rei Alifonso II d'Aragón cede a los monches lo castiello y villa d'Escatrón. Se tracta d'un puesto en la marguin d'Ebro, mas d'alcuerdo con lo esprito de Cistels, con un terreno pa colonizar a on plegarán dende 1202 pa fundar l'actual monesterio. Poco dimpués encomenzarán las obras que durarán muitos sieglos, con los mesmos altibaixos de lo Reino d'Aragón y la comunidat monastica en particular.
L'actividat constructiva se desembolicará mientres tot lo sieglo XIII. En 1238 se consagraba la ilesia, y en 1292 encara se confirmarán privilechios relacionaus con la extracción de piedra y fusta pa la obra. Pero dica la segunda mitat de lo sieglo XIV y primers de lo XV no puet considerar-se zarrau lo conchunto de la fabrica medieval con las zagueras fases de la ilesia.
En este inte quedaría configurau lo nuclio medieval que huei veyemos y las dependencias complementarias como la zona de conversos, estancias agricolas, antigo palacio de l'abate, etc. Estos espacios se desembolican en lo marco de lo celler y arredol y en lo de la plaza de Sant Per.
En los sieglos XVI y XVII se configurará l'actual plaza de proporcions monumentals, destacando por la calidat suya la galería herreriana, que une lo nuevo Palacio Abacial con lo conchunto medieval. Bella decada dimpués, dezaga lo claustro costruirán la gran nau de los nuevos dormitorios y lo noviciato, huei meyo en enrunas.
Dende los primers intes de construcción tamién encomienzan las obras d'infraestructura hidraulica como l'azut, la noria u rueda que fan puyar l'augua de lo río dica un acueducto gotico, en parte visible y en parte sotorrano, que reparte l'augua por tot lo conchunto monastico, siguindo las disposicions propias de la Orden.
Con la desamortización de Mendizábal, por los decretos de 1836 y 1837, los biens de lo monesterio los emplegarán pa treballos agricolas, lo patrimonio artistico se dispersará y quedará malmeso, estricallau u desapareixiu en la suya mayor parte.
Fa poco que lo zaguer propietario ha cediu las edificacions postmedievals y la huerta a la Deputación Cheneral d'Aragón. La titularidat de la zona medieval de lo monesterio, que dende la desamortización heba perteneixiu a l'Estau, en 1998 la traspasoron a la debant dita Deputación, con lo compromís d'empentar la suya restauración.
La Puerta Reyal, a la que conduce lo camín de plegada, ha estau l'acceso mes monumental de lo monesterio dende que se costruyó, a primers de lo sieglo XVII. Lo decororon en lo XVIII con una serie de esculturas de temas bernals. Cuan ya s'ha travesau l'amplo zaguán, se puet esnavesar tot lo conchunto de la Plaza de Sant Per, zarrau ta l'ueste por lo Palacio de l'Abate, barroco, que s'une a lo nuclio medieval a traviés d'una gran galería d'estilo herrerián, de proporcions unicas en Aragón. En lo costau norte de la plaza se troba l'antiga hospedería y atras edificacions de menor importancia. La parte de debant la ocupan los piez de la ilesia con una esportalada gotica, y la fin de la galería occidental de lo claustro, a on que tamién se puet plegar a traviés d'una esportalada polida situada baixo la galería.
La ilesia responde a un de los models mas planers entre las tipolochías de la Orden de Cistels: tres naus con triple cabecera plana, sin crucero y cubierta con vovedas de crucería simpla. Encara que se consagrase pronto, en 1238, l'edificio no pareix que se terminase dica lo periodo baixomedieval. Dica se constata un cambio d'obra, pus se pasa de piedra picada a lo tocho y de finestras goticas a las de tracería mudéchar.
En lo costau de lo Evanchelio s'ubren capiellas de diferents cronolochías, y se conservan las de Santa Bárbara y la de Sant Bernal, de decoración barroca, a los dos costaus de la primitiva capiella de lo Santo Cristo. Chunto a la cabecera y en lo costau contrario bi ha una sacristía medieval, muito reformata, y un oratorio barroco decorau con esgrafiaus.
Dende la iglesia s'accede a lo claustro, y arredol se distribuyen las dependencias a on s'articula la vida monastica. Lo claustro tamién tenió un lento proceso costructivo, estando mes antiga la galería este on s'ordenan la sala capitular con una portada inigualable y con las tumbas de bel abate, la escalera ta lo dormitorio, lo locutorio dende lo que s'accede a la fosqueta, y, a continación, lo paso ta la huerta y la sala de los monches en l'anglo sudeste. En la galería sud se troba lo calefactorio, lo refectorio con lo pabillón de la fuent u labatorio debant, y la cocina. Lo dormitorio ocupa tota l'ala capitular en la suya planta superior, con una chica estancia independient pa l'abate, chunto a la ilesia, y con un calefactorio nuevo anyadiu a lo medieval en l'anglo opuesto. Tamién existió un sobreclaustro anyadiu, huei desapareixiu, que se'n conserva una galería de arquez recayent a la plaza de Sant Per.
Vinclos externos
editar
Se veigan as imáchens de Commons sobre Monesterio de Rueda.- Coleccion de textos medievals de Rueda.
- https://web.archive.org/web/20080318091810/http://www.monasteriorueda.com/
- http://www.escatron.es
Datos: Q1551430- Multimedia: Real Monasterio de Nuestra Señora de Rueda / Q1551430
