Cortz d'Aragón (Teruel)

Este articlo ye sobre o municipio d'a provincia de Teruel. Ta atros emplegos de Cortz se veiga Cortz (desambigación).

Cortz d'Aragón (Cortes de Aragón en castellán) ye un municipio de la provincia de Teruel, situato en la comarca de las Cuencas Meneras. La suya población yera de 75 habitants (2010) en una superficie de 24,4 km².

Cortz d'Aragón
Municipio d'Aragón
Entidat  • País  • Provincia  • Comarca	Municipio Aragón  Teruel Cuencas Meneras
Superficie	24,4 km²
Población  • Total	63 hab. (2016)
Altaria	927 m.
Distancia  • 99 km	enta Teruel
Codigo postal	44791
Coordenatas	40°58’22’’N 0°50’ 2’’U
Cortz d'Aragón Situación de Cortz d'Aragón en Aragón

Cheografía

Ye situato en lo interfluvio entre las cuencas de lo río Martín y Aguas.

Mugas

Lo suyo termin municipal muga con Chosa, La Foz de la Viella, Maicas, Plou y Muniesa.

Historia

En 1489 perteneixeba a la Sobrecollida de Mont Albán, pero en lo fogache de 1495 figura como una localidat de la Sobrecullida de Daroca.

Toponimia

Lo toponimo se puet remontar a lo latín COHORTEM, que en aragonés ha dato cort, "on s'encierra lo bestiar". Seguntes la tradición lo lugar prene lo nombre suyo porque se i celebró as primeras Cortz d'Aragón dimpués de la expulsión de los moros. En las primicias de 1290 sale como Cortes, sin l'apelativo y tamién en lo fogache de 1495. La forma con plural en aragonés ye present en l'apellito de l'estercuelán Antonio Corts, que yera testigo en un texto de 1317 relativo a lo Monesterio de Santa María de l'Olivar.

Tamién se documenta en un texto d'impuestos de 1453 de lo reino d'Aragón: se menciona a un morisco dito Alí Corts quan charran d'os impuestos relativos a compras y vendas en Auguaviva:

El dito día mijó en el Regno Alí Corts XII pares de çapatos de onbre e mulier

En los textos de lo sieglo XV bi ha una mayoría de microtoponimos en aragonés: Tosal de Cortes, Carrera de Oliete, La Font de la Filada, Val de Montanya, Nuestra Señora de Franguas, El Tapiado, La Heredad, Carrera Junqueras, Carrera Lafoz, Canyada a Foga Lobos, Las Pelliceras, Balsa Yerma, Val Tomellyosso, Los Morrones, Balsa Roya, Las Paretiellas, Val del Mont, La Fontaciella, Los Cornellales, Cabeza la Valsiella, Cabezo la Fuent, Fent del Curto, Fuent del Mas, Barranco del Pielago, La Somada, Val de Santa María, San Jorge, Cruziello, Camino Maycas, Formigales, El Royal, La Foia, El Cobertiello, Val de Privado, Campo de Don Domingo Ruvio, Las Roturas, El Pielago, La Lomiella, El Terrero, El Canyuelo, Val de Donya Urraca, Cabezo de la Balsiella, Val del Mont, Val de Ciervos, El Villar, Carrera Huesa, El Campiello, La Pedraza.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido Popular									2
Partido de los Socialistas de Aragón									1
Total									3

Molimentos relichosos

Ermita de la Virchen d'Aliaga, centro relichioso de la redolada, que ye de los lugars de Muniesa, Blesa, Plou, Uesa, La Foz de la Viella, Anadón, Maicas, Chosa y Cortz d'Aragón.

Fiestas

• 24 de chunio, Sant Chuan Baptista.
• 24 d'agosto, Sant Bertolomeu.