Entibo
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Un entibo[1] u pantano ye un laco artificial emplegato ta almadacenar augua.[2] A finalidat d'istas construccions gosa estar una u mas d'as siguients:
- Controlar as riadas u protecher contra la marea alta.
- Creyar una reserva d'augua potable.
- Alimentar una central hidroelectrica.
Se creyan en construir una entibadera con formigón, tierra, rocas, etc. a traviés d'un río u en un ibón.
L'IJsselmeer en os Países Baixos, con 1.100 km², ye l'entibo mas gran d'Europa Occidental.
Entibos d'Aragón
editarOs entibos mes antigos conoixitos d'Aragón son de tiempos d'os romanos, y son ya plens de sedimentos. Destaca l'entibo romano que da nombre a Almonecir de la Cuba. Os entibos actuals son d'o sieglo XX, remontando-se a la dictadura de Primo de Rivera (Entibo de Pena), u a la dictadura franquista (Entibo de Mequinenza).
Contino s'amuestran os prencipals entibos d'Aragón.
Impactos ambientals d'os entibos
editarOs entibos causan impactos ambientals variatos.
En as biocenosis fluvials ye directo por modificar a dinamica fluvial, o que produce un deterioro d'os ecosistemas fluvials, que fa que cambien a flora y fauna d'os ríos. A construcción d'un entibo provoca un important disminución d'a biodiversidat, afavoreixe a introducción d'especies foranas (como os siluros en l'Ebro), y a substitución d'especies d'alta valor ecolochica por especiés mes cosmopolitas u ubicuas. Encara que a vegatas os entibos atraigan aus acuaticas y limicolas, no compensa a perda d'especies acuaticas porque as aus acuaticas y limicolas son especies colonizaderas y a vegatas cosmopolitas. Si que ye verdat que os entibos pueden convertir-se en puesto de paso temporal pa especies migraderas raras u en camín de desapareixer, pero gosan tener como opción muitos entibos, a part de zonas humidas naturals susceptibles de ser protechitas.
Os entibos tienen un efecto barrera pa poblacions acuaticas y terrestres, y en bel caso as poblacions quedan aislatas por perder o río a suya función de corridor ecolochico, con o que belunas no alcanzan una mida minima pa estar viables y rematan por desapareixer.
A construcción de grans entibaderas chenera impactos serios por afectar negativament a especies migraderas de peixes (salmons, anguilas), que son incapables de remontar l'obstaclo que suposa a presa. En o caso d'os salmons suposa no reproducir-se, ya que puyan auguas ent'alto pa desovar.
Veyer tamién
editarReferencias
editar- ↑ (es) Gerónimo Borao y Clemente: Diccionario de voces aragonesas, precedido de una introducción filológico-histórica, 1859, ISBN 84-9761-673-1, p.218
- ↑ (an)/(es) Juan Moneva y Puyol: Vocabulario de Aragón. Edición y estudio de José Luis Aliaga, Xordica Editorial, ISBN 978-84-88920-97-3, 2004, p.198
Vinclos externos
editar
Datos: Q131681
Multimedia: Reservoirs / Q131681
