Clamosa (municipio)
- Iste articlo tracta sobre Clamosa, que ye un municipio auxidido d'a val d'a Cinca, en a provincia de Uesca. Ta belaltros usos d'o toponimo «Clamosa», se veiga Clamosa (desambigación).
Clamosa ye un municipio historico d'Aragón en a provincia de Uesca y territorio d'a que huei ye a comarca d'o Sobrarbe. Se o puede documentar dende os primers censos mudernos de 1842 dica la suya absorción en o municipio de a Fueva en a decada de 1960.[1]
| Clamosa | |
|---|---|
| Municipio desapareixito d'Aragón | |
 L'entibo de Lo Grau tal como se vei dende o termin de Clamosa. | |
| Entidat • País • Provincia • Comarca • Capital |
Municipio desapareixito Aragón.svg){kind=small} UescaSobrarbe Clamosa |
| Población • Total |
224 hab. (1960) |
| Altaria | 654 m. |
| Distancia • 109 km |
enta Uesca |
| Coordenatas | 42°15’54’’N 0°14’16’’E |
  Clamosa Situación de Clamosa en Aragón | |
O termin municipal de Clamosa s'estructuraba, en primeras, con os quatro lugars que forman a valleta de o barranco de Clamosa, afluent de o río Cinca por a man cucha, más Caneto que se troba en a garra que la desepara d'o barranco d'o Salinar. En feba parte Clamosa como cabecera d'o municipio, a Penella (en a cuentra d'o barranco), Bediello un poquet más auguas t'alto por o mismo barranco, y a Selva que ye una pardina de Bediello. O dito termin municipal se forma d'estreturas y recuestos en as garras occidentals d'a sierra d'o Turón, con muitas penyas y turmos que afloran en pirol de a selva, con pocas faixas que dasen guaire productividat que se troben por alto d'a cota d'os 600 m, por o que os lugars más importants dependeban d'os campos que teneban en a ribera d'a Cinca.
Ta o censo de 1857 se i heban adhivido os lugars que formaban l'antigo municipio de Trillo,[1][2] que son Trillo, Salinas de Trillo y Sant Per de Trillo, totz tres en a valleta d'o barranco d'o Salinar, en a man que toca a la sierra de l'Entremont.
O municipio fué absorvido en o municipio d'a Fueva en a decada d'os anyos 60 d'o sieglo XX, conseqüencia d'a despoblación progresiva de totz os nuclios que o formaban. En 1968 s'inauguró l'entibo de lo Grau, que submerchió parcialment os campos que Clamosa y a Penella teneban en a ribera d'a Cinca, por o que se prevocó a zaguer tongada emigradera d'os suyos zaguers habitants.
DemografíaEditar
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| 1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE. | ||||||||||||||||||
(1) D'antes d'a fusión con Trillo.
Evolución d'a población de Clamosa dende 1857.
Os atros municipios absorvidos en a FuevaEditar
ReferenciasEditar
- ↑ 1,0 1,1 (es) «Clamosa» en a subpachina «Alteraciones de los municipios en los Censos de Población desde 1842» d'o Instituto Nacional de Estadística, consultada l'1 de noviembre de 2010
- ↑ (es) «Trillo» en a subpachina «Alteraciones de los municipios en los Censos de Población desde 1842» d'o Instituto Nacional de Estadística, consultada l'1 de noviembre de 2010