Barranco d'o Salinar

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Barranco d'o Salinar
A valleta d'o barranco d'o Salinar, dende Trillo.
Administración
País	Aragón
Municipios por a on pasa	A Fueva
Cheografía
Longaria	8 km
Altaria d'o naixedero	±900 m
Naixedero	Sierra d'o Turón, Troncedo
Desembocadura	río Cinca debant de Ligüerre d'a Cinca
Mapa

O barranco d'o Salinar ye un barranco en o sud-este d'a comarca de Sobrarbe, que naixe en as garras d'a man oriental d'a sierra d'o Turón y desemboca en o río Cinca en a coda de l'entibo de Lo Grau, debant de Ligüerre d'a Cinca.

Dominan o suyo corso as garras orientals d'a sierra d'o Turón, cuan naixe por debaixo de Troncedo, y dimpués o tozal de Trillo, que se troba en a man norte d'o barranco. Cuan arriba ta la Cinca en Ligüerre, por debaixo d'a cota dos cincocientos metros d'altaria sobre o nivel d'a mar, pasa por debaixo d'o calcil meridional d'a sierra de l'Entremont, en o puesto de menor altitut de tot Sobrarbe, y avoca l'augua en l'entibo de Lo Grau a menos de 4 km d'a muga mas meridional d'a comarca. Salva un desnivel de mas de 400 metros.

Fan parte d'a suya cuenca os lugars de Troncedo, Salinas de Trillo, Trillo, Caneto y Clamosa; toz cinco en o municipio d'A Fueva, y os despoblaus de Sant Per de Trillo, Bediello y A Selva. A suya compleguera no fa parte d'A Fueva cheografica, pus la deseparan d'ella as elevacions de o cerro en o que s'aposenta Troncedo, o tozal de Trillo y os calcils d'a sierra de l'Entremont.

Se veiga tamién

• Río d'a Nata.
• Río Usía.
• Río Formigals.
• A Fueva.

• Datos: Q5494028