Campana de Viliella
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Este articlo trata sobre a Campana de Viliella. Ta atros emplegos de Viliella se veiga Viliella.
La Campana de Viliella ye una campana real, que existió en la ermita de Sant Nicolau de Bari de Viliella d'Ebro, y que teneba la propiedat de bandiar sola anunciando malos succesos sin garra man humana que la bandiase. Yera por tanto una campana agorera. En bellas ocasions los días que ha bandeyo los han cuaternato notarios locals.
Seguntes la leyenda plegó por a mar Mediterrania flotando ta la costa levantina, on se veyió en as costas de Tortosa por primera vegata. Puyó por l'Ebro a contracorrient auguas ent'alto con dos velas encesas dencima, aturando-se en Viliella, on los habitadors creyoron que yera destinata pa ellos. Baixoron pa o río pa recullir-la, pero cuan belún miraba de sacar-la de l'augua no la podeban agafar porque se fundiba en l'augua de l'Ebro. A la fin se diz que dos mesachas de lo lugar que yeran vírchens prebaron de sacar-la y cuan los suyos didos tocaron la campana esta salió de l'augua sola. Allora los vilillenses la tresladoron y la ponioron en lo campanal de la ermita.
Las vegatas que ha bandeyato sola seguntes la leyenda u los notarios han estato: en 711, chusto enantes de la invasión musulmana de la peninsula Iberica; en 1435 cuan la Batalla de Ponza, la mayor derrota naval de la Corona d'Aragón, a on antimas lo rei Alifonso V y los suyos chirmans fuoron presos por los chenoveses, encara que dimpués avisó de la libertat d'Alifonso V. Bandeyó tamién con las muertes de Pero d'Arbués, inquisidor cheneral d'Aragón asasinato en la Seu, en 1485; a muerte de Ferrando lo Catolico en 1516; y a muerte de Carlos I en 1558 y tamién cuan la muerte de la Emperadriz Isabel y la muerte de lo rei Sabastián de Portugal. Lo zaguer toque estió en 1686.
La chent d'o lugar agafaban piazos de bronce de la campana pa tener-ne protección y poquet a poquet se malmetió. La refundioron a mitat de lo sieglo XIX ta forchar-ne atra de nueva y no ha tornato a bandeyar sola.
O mesmo Baltasar Gracián la veyió bandeyar sola lo 29 d'abril de 1646 y escribió una carta a lo suyo mecenas, o uescano Vicencio de Lastanosa que deciba:
Han escrito tamién sobre esta leyenda Quevedo, frai Hortensio Félix Paravicino y lo Padre Feijoo, que negoron la credibilidat d'este prodichio.
Encara hue lo escudo de lo lugar de Viliella d'Ebro leva una campana de plata como simbolo sobre un campo royo.
Vinclos externos
editar
Datos: Q13048580
