Inquisición
O termin Inquisición[1] u Enquisición[1] (en latín Inquisitio Haereticae Pravitatis Sanctum Officium) fa referencia a cuantas institucions adedicatas a la supresión d'a herechía en o sino d'a Ilesia Catolica. A Inquisición medieval, d'a que deriban totas as atras, fue establita en 1184 ta combatir a herechía d'os catars u albichenses y d'os baldenses en o Sud de Francia y Norueste d'Italia. En 1249 s'establió tamién en o reino d'Aragón (estió a primera Inquisición estatal), y en a Edat Moderna, con a unión d'Aragón y Castiella, s'estendilló ta ista zaguera con o nombre d'Inquisición espanyola (1478 - 1821) baixo o control dreito d'a monarquía hispanica, estando a primera institución común entre as Coronas de Castiella y Aragón, y por tanto a primera institución espanyola. Tamién se conoixen con o mesmo nombre a Inquisición portuguesa (1536 - 1821) y a Inquisición romana (1542 - 1965).
Referencias
editar- ↑ 1,0 1,1 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
Datos: Q43173
Multimedia: Inquisition / Q43173
