Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Río Queiles

Queiles en Vozmediano
Administración
Estaus {{{estaus}}}
Cheografía
Longaria  km
Altaria d'o naixedero  m
Naixedero Vozmediano
Desembocadura Ebro (Tudela)
Superficie d'a cuenca km²
Cabal meyano m³/s
Mapa

Lo Queiles en Aragón

Lo Río Queiles ye un afluent d'Ebro por la suya marguin dreita.

Pasa por los termins municiapls de Vozmediano, Los Fayos, Torrellas, Tarazona, Novallas, Mont Agut, Tulebras, Cascant, Murchant y Tudela.

Cheomorfolochía editar

Traviesa los almendrons de lo semontano de Moncayo en la zona de Torrellas, Tarazona y Los Fayos, a on que bi ha un modelau con mallos. Ye precisament en ixos almendrons de Los Fayos a on que recibe l'augua de lo suyo afluent Río Cailes u Río del Val, que tien un entibo en los suyos zaguers kilometros.

Auguas enta baixo de Tarazona s'ixampla y bi ha una ribera con una important huerta que se confunde con la ribera d'Ebro.

Lo río Queiles tien un trazau perpendicular a Ebro, pero no siempre ha estau asinas, se sabe que i ha habiu un fenomeno de captura fluvial por l'analís cheomorfolochica de las forma de la cuenca de lo Queiles y de la cuenca de La Uecha. Esta analís amuestra que antes yera un afluent de La Uecha y se i reculliba en la zona de Vera de Moncayo, chirando muito mas enta l'este auguas ta baixo de Los Fayos y pasando por l'actual Uecha de Sant Martín, a lo sud d'a sierra formada por l'aliniación de "La Ciesma"[1], L'"Albortú", lo "Plano del Gorrión" y "Mont Albo", coincidindo d'alto u baixo con lo trazau de la carretera Trasmoz-Los Fayos.

Este proceso de captura fluvial ye en lo marco de capturas fluvials de la zona sudueste de la cuenca d'Ebro y que encara continan en l'aria de Soria, a on que se vei como la cuenca d'Ebro se fa mes gran a costa de la cuenca de lo río Duero por la mayor pendient de poder erosivo de los afluents d'Ebro.

Toponimia editar

 
En pasando por Tarazona

Seguntes bel autor como Manuel Gargallo Sanjoaquín lo toponimo "Queiles" deriva de lo latín Kalybs ("acero"), preso de Chalybes, un lugar griego conoixiu por las menas de fierro y seguntes la tradición descubridors de l'acero.

Chustín en la suya obra Lipsiae situa lo río Chalybe en Gallaecia y escribe:

importants son los suyos materials de fierro pero l'augua ye mes fuerte que lo fierro, pus por las cualidaz especials suyas torna lo fierro mes esmolau y compacto; entre ellos no se posa a preba dengún dardo que no lo haigan temprau enantes en lo río Birbili u en lo Chalybe. Por ixo dicen Chalybes a los pueblos vecins a este río que va debant de los atros por lo suyo fierro

Adolf Shulten en Iberische Landeskunde Geographie des Antiken Spanien identifica lo Chalybes de Chustín como l'actual "Queiles".

Chustín nombra como ríos especialment adecuaus por a suya augua frida pa lo temple de fierro a lo Birbilis y a lo Chalybs. Como lo Bilbilis (Birbilis) ye doncas lo Xalón, s'habrá de mirar chunto a l'atra ciudat de lo fierro, a piet de Moncayo chunto a Turiaso, huei Tarazona, y doncas identificar lo Chalybs con lo Queiles

San Isidoro en las suyas Etimolochías torna a citar lo Chalybs como un río con auguas sobrebuenas pa lo temple de lo acero. Manimenos huei se sabe que las auguas no tienen denguna cosa especial y lo que feba bueno l'acero yera la materia prima que no teneban en atros puestos.

Antes de los romanos lo río debeba de tener un nombre en celtibero que s'ha perdiu. La evolución dende Kalybs ta Queiles ha estau:

  • Kalybs > Cailbs > Cails > Cailes (con vocal d'apoyo) > Queiles (diftongo que cierra u por influencia de l'arabe hispano u por hipercorrección contra rai y lai).

Los escritors musulmans en luenga arabe escribiban Kalas u Kalez. en lo Libro Chantre s'escribe siempre como Queiles. En Tarazona se puede sentir Queiles u Cailes.[2]

Ye curioso que lo suyo afluent río del val (de seguro que en aragonés orichinal estió río de la Val) se clame Cailes en la suya part soriana. Como ye mes luengo que lo río Queiles en lo forcallo que fan ye posible que d'antes lo que se clamase Queiles/Cailes auguas entalto fuese precisament l'actual río del Val dica Ólvega, y que en Soria hese fosilizau la forma con a teoricament mes antiga.

Referencias editar

  1. (es) Francisco Pellicer Corellano: El Relieve del Moncayo. Diputación general de Aragón, 1987. p 19, pp 29-31.
  2. (es) Manuel Gargallo Sanjoaquín Toponimia turiasonense (I). Archivo de filología aragonesa. Lª XLIV-XLV. 1990.

Bibliografía editar


Afluents d'o río Ebro
Marguin izquierda Nela · Xerea · Bayas · Zadoya · Ega · Aragón · Arba · Galligo · Segre
Marguin dreita Oca · Tirón · Nacheriella · Iregua · Leza · Cidacos · Alhama · Queiles · Uecha · Xalón · Uerba · Chiner · Lopín · Aguas · Martín · Regallo · Guadalop · Matarranya