Cipotegato
O Cipotegato ye a tradición mas conoixida de Tarazona, que se fa totz os anyos o 27 d'agosto[1]. Ye un mitico personache que leva una caperucha y ye vestiu d'harlequín, con as colors amariella, roya y verda. O día prencipal d'as fiestas de Tarazona, en honor a lo patrón Sant Atilano, a las dotze d'o meyodía, o Cipotegato amaneix en a plaza a traviés d'un corredor ubierto entre a chent por amigos y antigos Cipotegatos. Tot atravesando a plaza, ye engalzau por a boirada de chent present, qui les arrullan tomates. Si sale triunfant, lo puyarán ta la escultura erichida en a suya honor en a mesma plaza. O Cipotegato ye trigau anyalment en un sorteyo feito entre os chovens d'a población.
HistoriaEditar
Bi ha referencias documentals d'o Cipotegato dende meyaus d'o sieglo XVIII, pero se desconoix a calendata d'o suyo orichen, creyendo-se muito antiga.[1].
Atros personaches semellants en a redoladaEditar
En atros lugars d'a redolada, existen personaches semellants, encara que no gosan tener un paper tant central en a fiesta como o que gosa tener o de Tarazona. Asinas, trobamos personaches clamaus Cipotegato en Lo Bust, Bulbuent, Ambel, Borcha, Grisel, Maleixán y Talamantes u con atros nombres, como o Cipotero de Vera de Moncayo, a Máscara d'Ateca u o Chamarluco d'Albeta[1][2].
ReferenciasEditar
- ↑ 1,0 1,1 1,2 {es} Francisco Roda Hernández, (1981), El Cipotegato de Tarazona y personajes similares, Cuadernos de etnología y etnografía de Navarra
- ↑ {es} Carlos Castán García, (2004), El Dance en la Comarca del Campo de Borja, en Isidro Aguilera Aragón, Mª Fernanda Blasco Sancho (coord.)Comarca del Campo de Borja. Departamento de Presidencia y Relaciones Institucionales