Cipotegato

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O Cipotegato ye a tradición mas conoixida de Tarazona, que se fa toz os anyos o 27 d'agosto^[1]. Ye un mitico personache que leva una caperucha y ye vestiu d'harlequín, con as colors amariella, roya y verda. O día prencipal d'as fiestas de Tarazona, en honor a lo patrón Sant Atilano, a las dotze d'o meyodía, o Cipotegato amaneix en a plaza a traviés d'un corredor ubierto entre a chent por amigos y antigos Cipotegatos. Tot atravesando a plaza, ye engalzau por a boirada de chent present, qui les arrullan tomates. Si sale triunfant, lo puyarán ta la escultura erichida en a suya honor en a mesma plaza. O Cipotegato ye trigau anyalment en un sorteyo feito entre os chóvens d'a población.

**Cipotegato** de Tarazona de 2007 puyando t'o suyo monimento, debant d'a Casa d'a Ciudat.

Historia

Bi ha referencias documentals d'o Cipotegato dende meyaus d'o sieglo XVIII, pero se desconoix a calendata d'o suyo orichen, creyendo-se muit antiga.^[1].

Atros personaches semellants en a redolada

En atros lugars d'a redolada, existen personaches semellants, encara que no gosan tener un paper tan central en a fiesta como o que gosa tener o de Tarazona. Asinas, trobamos personaches clamaus Cipotegato en Lo Bust, Bulbuent, Ambel, Borcha, Grisel, Maleixán y Talamantes u con atros nombres, como o Cipotero de Vera de Moncayo, a Máscara d'Ateca u o Chamarluco d'Albeta^[1]^[2].

Referencias

↑ ^1,0 ^1,1 ^1,2 {es} Francisco Roda Hernández, (1981), El Cipotegato de Tarazona y personajes similares, Cuadernos de etnología y etnografía de Navarra
↑ {es} Carlos Castán García, (2004), El Dance en la Comarca del Campo de Borja, en Isidro Aguilera Aragón, Mª Fernanda Blasco Sancho (coord.)Comarca del Campo de Borja. Departamento de Presidencia y Relaciones Institucionales

Vinclos externos

{es} "Lluvia de tomate para el Cipotegato" Heraldo.es

Datos: Q5121286
Multimedia: Cipotegato / Q5121286

[Roda-1] 1,0 ^1,1 ^1,2 {es} Francisco Roda Hernández, (1981), El Cipotegato de Tarazona y personajes similares, Cuadernos de etnología y etnografía de Navarra

[2] {es} Carlos Castán García, (2004), El Dance en la Comarca del Campo de Borja, en Isidro Aguilera Aragón, Mª Fernanda Blasco Sancho (coord.)Comarca del Campo de Borja. Departamento de Presidencia y Relaciones Institucionales

[1]

[2]