Pireneu

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Lo Pireneu u Pirineu (con denominación en plural como Pireneus u Pirineus) ye una cordelera montanyesa situada a lo norte d'a peninsula Iberica entre Espanya y Francia. S'estendilla a lo largo de 415 km dende o cabo de Creus (mar Mediterrania) a l'este, dica o golfo de Bizcaya (mar Cantabrica) a l'ueste. En a suya parti central tien una amplaria de bels 150 km. En o luengache corrient a palabra Pireneu s'aplica a lo conchunto de sarras buegants entre Espanya y Francia.

Pireneus
Vista d'os Pirinés en una imachen de satelite
Cheografía
Cordelera	{{{cordelera}}}
Sector	{{{sector}}}
{{{tpran}}}	{{{ran}}}
Maxima altaria	3.404 m, Aneto
Cimas importants	Maladeta, Comachibosa, Os Moros
Largaria	430 km
Amplaria	altaria > 1 000m : max 150 km
Superficie	55.000 km²
Vértiz cheodesico
Subsistemas	{{{subsistemas}}}
Administración
Estau	Andorra Espanya Francia
País
'
Cheolochía
Edat	Eoceno (~ 40 Ma)
Materials	Metamorficos y sedimentarios
Tipo	{{{tipo}}}
Mapa

En a vesant norte, transcorre por as rechions francesas de Nueva Aquitania y Occitania. En a vesant sud transcorre por o País Basco, Navarra, Aragón y Catalunya. O chicot estau d'Andorra ye situato en o Pireneu, entre Espanya y Francia.

Orichen etimolochico

A palabra Pireneu provién d'a mitolochica filla d'Atlas, Pirene. Seguntes os griegos, os Pireneus recullioron o suyo nombre de Pirene, una choven d'a rechión a la que Hercules se levó con él en un d'os suyos viaches.

Unatra versión diz que ye un antigo toponimo, d'orichen basco. Seguntes ista luenga, a cordelera se clamó Ilene bos, que significa "monts d'a Luna", pos Ilene ye a Luna.

Cheolochía

Ta más detalles, veyer l'articlo Orocheno pirenencoveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

La placa iberica en lo Cenomanián (Cretacio final). La placa encomienza un movimiento tectonico de rotación antihoraria. Corcega y Cerdenya fan part d'esta placa.

Os Pireneus se formoron en a Era Terciaria, cuan se produció a orochenia alpina. En o marco d'a tectonica de placas o Pireneu s'interpreta como un orocheno de colisión. Dimpués de producir-se una rotación d'a placa iberica, se produce una colisión entre esta placa y a placa euroasiatica con plegamiento d'as rocas sedimentarias principalment formadas en as plataformas continentals y os glacis continentals d'estas placas y posterior acurzamiento litosferico, con obducción d'a placa euroasiatica sobre a placa iberica. En este proceso de colisión se formoron tamién o Sistema Iberico y as Costero-Catalanas como cordeleras, devez que se fundiban las cuencas d'antepaís de la depresión d'Ebro a lo sud y la cuenca d'Aquitania a lo norte.

Los Pireneus no son la sola cordelera de l'orocheno pirenenco, que incluye la Cordelera Cantabrica y los Monts Bascos a l'ueste y Cevenas y part de Provenza a l'este, a on que l'orocheno pirenenco enlaza con l'orocheno alpín.

As caracteristicas cheolochicas mas destacadas son a disimetría d'as vesants en o sentiu transversal, ye dicir que a suya baixant ye muito mas accentuada en a vesant francesa que no en a espanyola, y a disimetría en o sentiu lonchitudinal: desciende suaument enta l'Atlantico y feriosament enta la Mediterrania.

Se i pueden distinguir unas cuantas unidaz:

• Pireneu axial.
• Prepireneu interior u "sierras interiors".
• Depresión pirerenca intermeya.
• Prepireneu exterior u "sierras exteriors".

O Pireneu axial ye formau de materials d'a Era Paleozoica plegatos en a orochenia herzinica, que s'han erosionato dimpués d'a orochenia y que han feito de calcil pa la sedimentación en a Era Secundaria.

O Prepireneu consiste en cabalgamientos y napas tectonicas que viachoron enta o sud cuan s'alcorzó a crosta inferior.

A depresión pirenenca intermeya no siempre ye bien definita, por a superposición de napas tectonicas y cabalgamientos, pero se veye bien en a Canal de Berdún u en la Guarguera.

Cimas

Penya Forca

As cimas mas destacadas d'ista cordelera son:

Pireneus occidentals

• Aiako Harria (837 m).
• A Rhune (900 m).
• Adi (1.503 m).
• Ortzanzurieta (1.570 m).
• Orhi (2.021 m).
• Pic d'Ania (2.504 m).

Pireneus centrals

• Midi d'Osal (2885 m).
• Collarada (2.886 m).
• Pico Moros (3.146 m).
• Punda de ra Faixa (3.005 m).
• Pic Long (3.192 m).
• Nhèuvièlha (3.091 m).
• Camachibosa u Comachibosa (3.298 m).

Ordesa y as Tres Serols

As Tres Serols

Pico Celindro

• Punta de Treserols (3.352 m).
• Mallo de Marmorés (3.328 m).
• Pico Anyisclo u Soum de Ramond (3.254 m).
• Marmorés (3.248 m).
• Punda Negra u Taillón (3.144 m).
• Punda de ro Faixón (3.009 m).
• Punda de ro Corral Ciego (3.006 m).
• Marmorés d'el Cul (3.077 m).

Pineta

Tuca de Pineta vista dende a Val de Pineta

• L'Almunia Gran (3.134 m).

Chistén

• Vachimala u Punta Schrader (3.177 m).
• Punta de l'Ixabre (3.136).

Benás

• Pocez u Lardana (3.375 m).
• Les Espades (3.332 m).
• Tucón Royo (3.121 m).
• Bagüenyola Gran (3.053 m).
• Aneto (3.404 m).
• La Maladeta (3.312 m).
• Maldito (3.350 m).
• Cap de la Vall (3.205 m).
• Cabo de Barrancs (3.241 m).
• Tempestats (3.290 m).
• Alba (3.118 m).
• Mulleres (3.010 m).
• Vallhibierna (3.067 m).
• Perdiguero (3.222 m).
• Gorgs Bllancs (3.129 m).
• Crabioles (3.116 m).
• Malpás (3.109 m).
• Salvaguardia (2.738 m).

Luixón

• Spijeoles (3.066 m).
• Gran Quayrat (3.060 m).
• Pico Lézat (3.107 m).

Pireneus orientals

• Malh des Pois (2.881 m).
• Besiberri (3.030 m).
• Punta Alta (3.014 m).
• Colomers (2.930 m).
• Montvallier (2.859 m).
• Montsent (2.881 m).
• Montcalm (3.080 m).
• Pica d'Estats (3.140 m).
• Pedrosa (2.948 m).
• Pic de Serrère (2.911 m).
• Puig Pedrós (2.914 m).
• Pic de Carlit (2.921 m).
• Tossa d'Alp (2.537 m).
• Puigmal (2.909 m).
• Pic de Llonces (2.832 m).
• Canigó (2.785 m).
• Costabona (2.464 m).
• Roc de Fraussa (1.449 m).
• Noulos (1.257 m).
• Alberes (975 m).

Se veiga tamién a lista de cimas d'o Pireneu aragonés

Cheleras

Debiu a que a glaciación d'o Cuaternario afectó a los Pireneus de modo mas decisivo que no a las atras cordeleras espanyolas, existen trazas de modelato glacial dende o Canigó dica o pico d'Adi. A mas gran parte d'os actuals ibons son d'orichen glacial. Hue os Pireneus nomás poseyen cascos glacials u con chicotas luengas por dencima d'os 3000 m: Pico Os Moros, Comachibosa, Mont Perdito y Maladeta.

Rios

Ista cordelera ye a cuna de ríos importants: l'Adour, a Garona, o Nivelle, o Tec, o Tet, l'Aglí y l'Ande en a vesant occitana, y a Bidasoa, l'Aragón, o Galligo, a Cinca, l'Esera, o Segre, o Ter, o Llobregat, a Muga y a Fluvia en a vesant espanyola.

Pireneistas

Bels cientificos y montanyers que s'han destacato en o estudio d'istas montanyas son:

• Louis Francois Ramond de Carbonnières. Naturalista. (1755-1827)
• Franz Schrader. Cheografo. (Bordeus, 1844 - París, 1924)
• Henry Russell. Conte Russell-Killough. (Tolosa, 1834 - Biarritz, 1909)

Ocio

Ordesa

Ista cordellera conta con grans espacios atrapaciaus ta l'ocio y ofreix grans posibilidaz por a suya polideza y clima.

As instalacions ta la practica de lo esquí son as que aprecisan d'un espacio mas amplo y han modificau l'uso d'o suelo en l'alta montanya.

• En a parti espanyola, os Pireneus contan con as siguients estacions: Candanchú, Astún, O Fornigal, Pandicosa-Os Ibons, Sarllé, BoíTaül Resort, Baqueira Beret, Port-Ainé, Port del Comte, Espot Esquí Parc, Tabascan, La Molina, Masella, Vall de Núria, Vallter 2000, Rasos de Peguera.
• En Andorra: Ordino Arcalis, Pal Arinsal, Pas de la Casa-Grau Roig, Soldeu el Tarter.
• En Francia: La Pierre-st Martín, Artouste, Gourette, Luz Ardiden, Cauterets, Hautacam, Bareges, Gavarnie-Gédre, La Mongie, Piau Engaly, Saint Lary, Val Louron, Peyragudes, Luchon Superbagneres, Porte Puimorens, Ax-Les-Thermes, Font Romeu, Les Angles, Puyvalador, Formigueres, Puigmal 2600, Cambré d'Aze, Guzet, Les Mont d'Olmes, Ascou-Pailheres, Mijanes-Donezan.

Bibliografía

• (es) Ánchel Belmonte Ribas: Guía geológica del Pirineo, Editorial Pirineo, 2003.
• (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995.
• (es) Alfonso Meléndez Hevia, Fernando Meléndez Hevia: Geología. Editorial Paraninfo, 1985.
• (es) Joaquín Mulas Sánchez, María José Morillo-Velarde Geologia: COU. Editorial Santillana, 1983.

Vinclos externos

• Revista Dichital d'o Pireneu Aragonés
• Pireneu Nabarro
• Pireneu Aragonés
• Pireneu Catalán
• O Pireneu en Internet

• Datos: Q12431
• Multimedia: Pyrenees / Q12431