Astún

Iste articlo ye sobre a estación d'esquí. Ta atros usos se veiga Astún (desambigación)

Astún ye una estación d'esquí situata en o Pireneu Aragonés, en o termin municipal de Chaca, ciutat que se troba a 33 km. A os suyos piez se troba a urbanización de Puerto d'Astún, que tién actualment una población de 9 personas censadas según datos de l'INE (2021).

Astún
Situación cheografica
Situación	Val de l'Aragón, Pireneu aragonés
Altaria maxima	2.300 m
Altaria minima	1.680 m
Pistas
Total km.	44 km
Pistas
Pista mas gran
Verdas	4
Azuls	13
Royas	21
Negras	13
Travesía	{{{travesía}}}
Fundo	1
Terrain parks
Esquí nocturno
Remontaderas
Telesquís	6
Telecadieras	8
Telecabinas
Cintas
Nieu artificial
Canyons	120
Superficie	6 km²
Datos chenerals
Pachina oficial	www.astun.com
Correu-e
Telefono	974 37 30 88
Fax	974 37 32 95

A estación prene o suyo nombre de l'ibón d'Astún, situau en o cobalto d'o telecadiera de Truchas, tamién dito ibón d'as Truitas.

Descripción

A estación d'esquí d'Astún, vecina de Candanchú y fendo muga con Francia. Tién mas de 50 km pistas esquiables y una gran variedat de descensos "freeride". Entre ditos descensos se troba o d'os Pins, un d'os mas reputaus d'Espanya. A Raca, con 2.278 metros d'altaria, ye a tuca mas alta d'iste parache esportivo, estando o maximo deslivel de 650 metros. En a suya redolada s'ha creyau una urbanización pa atender a os clientes con hotel, restaurants, botigas especializadas, logadura de material, etc...

Accesoriament, a sociedat propietaria d'a estación mete a disposición d'o client, a posibilidat de reyalizar una gran variedat d'actividaz alternativas en as suyas instalacions. Como, por eixemplo, baixadas en trineus, prebas de material, excursions, experiencias gastronomicas y muitas atras.

A estación prencipió a funcionar o 18 d'aviento de 1976, con nomás dos remontaderas, una ta a Raca y un atro ta Sarrios. Dende alavez s'ha iu enamplando tanto en pistas y instalacions d'esquí como en servicios. Actualment a estación ocupa dos vals d'alta montanya: A Raca - Sarrios y Truitas, cadagún d'éls ye accesible dende a base a traviés d'una telecadiera.

En a temporada 2020/2021 estió a unica estación d'o Pireneu aragonés en ubrir as suyas instalacions a tamas d'as limitaciones producidas por o coronavirus.

Servicios

D'hibierno ofreixe toz os servicios d'as estacions d'esquí, remontaderas, enfermería, restaurants, escuela d'esquí. Pero en verano tamién se mantienen ubiertos cuantos telecadieras ta fer turismo. Ofreixen excursions y atras actividaz.

Vinclos externos

• (es) Pachina d'a estación d'esquí.
• (es) Listau d'estacions de Infoaventura.
• (es) Listau d'estacións de Todonieve.

• Datos: Q752368
• Multimedia: Astún / Q752368