Napa tectonica

(Reendrezau dende Napas tectonicas)

Una napa tectonica ye una estructura cheolochica de mida gran que consiste en un conchunto de materials superficials dito aloctono por haber estau moviu dende o suyo puesto pa superposar-se dencima d'un conchunto de materials autoctono, que a primerías yera prou luent.[1] A napa tectonica ye una estructura compresiva que implica acurzamiento litosferico en profundidat, y en o modelo d'a Tectonica de Placas s'interpreta por movimientos converchents entre placas.

Esquema de "napa tectonica", que dimpués d'un proceso d'erosión deixa veyer l'"autoctono" por una finestra tectonica, y pierde superficie en a part frontal quedando de l'antiga part frontal de l'aloctono islas tectonicas u klippes.

Bi ha diferents tipos de napas tectonicas. As napas de cobertera afectan a una cobertera sedimentaria desapegada d'o basamento a traviés d'un nivel plastico que permite que se desapegue esta cobertera.

Napas tectonicas de l'orocheno pirenencoEditar

En lo Prepireneu bi ha napas tectonicas y se dividen en superiors y inferiors.

SuperiorsEditar

Son laminas cabalgants superiors:

La napa de Montsec ye prou extensa y se superposa a la napa de Gavarnía. Lo cabalgamiento d'el Montsec presenta lo Keuper como libel de desapegamiento.[2]

InferiorsEditar

Son laminas cabalgants inferiors:

Ye especialment extensa la napa de Gavarnia, que plega por lo sud dica lo cabalgamiento frontal sudpirenenco.

ReferenciasEditar

  1. (es) Alain Foucault y Jean-François Raoult: Diccionario de Geología. Masson, 1985.
  2. (es) Alfonso Meléndez Hevia, Fernando Meléndez Hevia: Geología. Editorial Paraninfo, 1985, pp. 461-462.

BibliografíaEditar