Abrir menú principal
Tuca de la Maladeta, o cabalto d'o Pireneu axial.

O Pireneu axial ye a part més antiga d'os Pireneus y ye constituito por un nuclio paleozoico plegato en a orochenia herzinica, y a suya extensión en o centro d'os Pirineus va dende Navarra dica o Cap de Creus, correspondendo a las cabeleras d'as vals de Tena, Ara, Bielsa, Benás, Barrabés y Aura. A l'este d'o Cap de Creus contina baixo o libel d'a mar. En l'Alto Aragón as altarias més grans corresponden a lo Pireneu axial: Aneto, Tuca Lardana, Moros y Comachibosa.

O suyo plegamiento se desvinió entre Westfaliense y o Estefaniense, formando-sen napas tectonicas, intruindo magmas que orichinoron grans plutons de rocas granitoides, y producindo-se un metamorfismo intermedio de baixa presión. Os materials d'edat Estefaniense y Permián se depositoron en etapas de fracturación post-orochenicas, destacando as molasas, acompanyatas en bells puestos por rocas volcanicas (andesitas).

LitolochíaEditar

Bi ha rocas sedimentarias como calsineras y piedras d'arena, rocas plutonicas, (destacando as rocas graniticas que constituyen grans batolitos como os de La Maladeta y Pandicosa), y rocas metamorficas (destacando as rocas formatas por metamorfismo de contacto como márbols, losetas tacatas, quarcitas, y cornianas).

As rocas sedimentarias paleozoicas cubren discordantment o precambrián, y se dividen en dos conchuntos: paleozoico inferior y paleozoico superior. Os materials paleozoicos inferiors corresponden a lo Cambrián, Ordovicián y Silurián, son de naturaleza detritica y depositatos a gran fondura, interpretando-sen como turbiditas en bells casos. Os materials paleozoicos superiors corresponden a lo Devonián y Carbonifero y presentan rocas sedimentarias de menor fondura y con mayor variedat (calsineras arrecifals, series paralicas y series lacunars).

Cheolochía estructuralEditar

Bi ha estructuras formatas en a orochenia herzinica difícils d'estudiar por haber-se-ie superposato a orochenia alpina.

BibliografíaEditar