Peracens

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Peracens (Peracense en castellano) ye un municipio de la provincia de Teruel (Aragón), situau en la comarca de Xiloca. La suya población ye de 69 habitants (2014), en una superficie de 28,7 km² y una densidat de población de 2,41 hab/km².

Peracens Peracense
Municipio d'Aragón
Anvista de Peracens Anvista de Peracens.
Entidat  • País  • Provincia  • Comarca	Municipio  Aragón  Teruel Xiloca
Partiu chudicial	Teruel
Superficie	28,7 km²
Población  • Total	75 hab. (2013)
Altaria  • Meyana	1217 m.
Distancia  • 52 km	enta Teruel
Alcalde	Manuel Bugeda Doñate
Codigo postal	44369
Parroquial  • Diocesi  • Arcipestrau  • Parroquia	Teruel y Albarracín Albarracín Sant Pero Apóstol
Coordenadas	40°38’28’’N 1°28’13’’U
Peracens Peracens en Aragón
Web oficial

Cheografía

Ye situau a piet de la Sierra d'Almofalla, en realidat un sarrau alomau de Sierra Menera cerca de lo Pueyo de Sant Chinés.

Mugas

Lo suyo termin municipal muga con Alba, con Almofalla, con Rodenas, con Villar d'el Salz y con Villafranca.

Toponimia

Lo toponimo Peracens ha teniu muitas variants Pietra Solez, Piedrasolez, Piedraselz, Perasenz y Perasens, Piedrasalez, Peraxelz y Piedrasalz. En 1440 encara se deciba Peracens, y en lo fogache de 1495 leyemos Pierasent.

En la "Cronica de lo Califa Abdarrahman III An-Nansir entre los anyos 912 y 942 (al-Muqtabis V)" de Ibn Hayyan de Cordoba parlan d'una campanya en Zaragoza y lugars por a on pasoron las tropas califals. Entre lugars de la Comunidat de Teruel y de Xiloca mencionan un Mahal·la Xalix ("Campamento de lo Salz", que puet tener relación con Almofalla, con lo Villar d'el Salz u con lo castiello de Peracens).

Bi ha microtoponimos intresants como Majataalbarda, probable caso de conservación de la xorda intervocalica de mallata, Arbolera, Azagador, Balsa Andonera (< ¿fondonera?), La Cambra, Campete, El Fontanar, Los Panderones (puet tener relación con lo latín Pandus, "cuello"), Peirón, La Pubidilla, Rebolled, El royo, Los sasos, Cerrolabarga, Zorrolabarga, Terreros, Uesas y atros comuns con lo castellano como La Nava, Peña de la Nava y El Pradejón.

Historia

La historia d'este lugar ye ligada con lo suyo castiello. A primers de lo sieglo XIV yera propiedat de los Ximénez d'Urreya. Cuan en 1312 Chuan Ximénez d'Urreya murió, vendioron Peracens y Almofalla a la Comunidat de Daroca por 605.000 sueldos chaqueses. Yera la propia comunidat qui nombraba los alcaitz d'este castiello, que tamién prenió función de cárcel.

En lo sieglo XIV yera un puesto important pa cosirar la muga de lo Reino d'Aragón con lo Reino de Castiella, y estió escenario de la Guerra de los Peros. Con lo tiempo lo castiello de Peracens fue perdendo importancia estratechica, pero tornó a prener-ne en las guerras carlistas.

Demografía

Evolución demografica

1992 1994 1996 1997 1998 1999 2000 2001 2002 - - - - 117 117 108 106 101

2003 2004 2005 2006 2007 2008 2009 2010 2011 107 107 114 129 121 96 93 89 88

2012 2013 2014 2015 2016 2017 2018 2019 2020 77 73 69 72 75 75 76 77 77

2021 2022 2023 2024 2025 2026 2027 2028 - 85 78 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Aragonés									1
Total									1

Alcaldes

Lista d'alcaldes

Lechislatura	Nombre	Partiu politico
1979–1983	Emiliano Puente Bugeda	UCD
1983–1987
1987–1991	Ramiro Domínguez Lorente	PP
1991–1995	Ramiro Domínguez Lorente	PP
1995–1999	Ramiro Domínguez Lorente	PP
1999–2003	Ramiro Domínguez Lorente	PP
2003–2007	Ramiro Domínguez Lorente	PP
2007–2011	Ramiro Domínguez Lorente	PP
2011–2015	Manuel Bugeda Doñate	PAR
2015–2019
2019–2023
2023–2027	Manuel Bugeda Doñate	PAR

Molimentos

Castiello de Peracens.

Lo castiello de Peracens destaca en integrar-se en lo paisache, construito con las mesmas Piedras d'arena royas u rodeno de lo mont a on se troba. En lo castiello y redolada inmediata bi ha un modelau cheolochico de mallos u torres naturals.

• Ermita de Sant Chinés.
• Carrasca d'os Tocones.
• Ilesia de Sant Per.

Fiestas

• Sant Blas, 3 de febrero.
• Patronals, 22-29 d'agosto.

Se veiga tamién

• Lista de municipios de Teruel.

Referencias

Lugars desapareixius d'o municipio de Peracens
Pueyo de Sant Chinés | La Villeta

• Datos: Q1651273
• Multimedia: Peracense / Q1651273