Abrir menú principal

Almofalla (Almohaja en castellán) ye un municipio d'a provincia de Teruel, situato en a comarca d'a Comunidat de Teruel. A suya población yera de 16 habitants (2018), en una superficie de 25,3 km².

Almofalla
Municipio d'Aragón
Entidat
 • País
 • Provincia
 • Comarca
Municipio
Flag of Aragon.svg Aragón
Teruel (provincia).svg Teruel
Comunidat de Teruel
Superficie 25,6 km²
Población
 • Total

16 hab. (2018)
Altaria 1.199 m.
Distancia
 • 45 km

enta Teruel
Codigo postal 44369
Coordenatas 40°36’14’’N 1°26’20’’U
Almofalla en Aragón
Almofalla
Almofalla
Situación d'Almofalla en Aragón

MugasEditar

O suyo termin municipal muga con Alba, con Pozondón, con Rodenas y con Peracens.

ToponimiaEditar

Por Agustín Ubieto Arteta en Toponimia aragonesa medieval tenemos conoixencia d'a forma Almofalla en un texto 1312. En atros textos apareixe como Almohaja, razón por a que a vegadas s'interpreta o toponimo como Al Muhadchdcha[1] ("o camín" en arabe), y no a partir de l'arabe Al-Mahala (o campamento) palabra que existe en rumán, mahala con o significato de vico periferico, preso d'o turco.

En trobamos una mención como Almofaia a principios d'o sieglo XV quan en 1409 Benedet XIII concede a gracia d'o quinto decimero a la fabrica d'a Seu d'o Salvador de Zaragoza y lo aplican en 1412:

Peraselç et Almofaia. Eadem die procurator presentavit processum vicario

Ye posible que Almofalla siga mencionato en un texto andalusí d'una campanya en Zaragoza como Mahal·la Xalix ("Campamento d'o Salz", referindo-se u a Villar del Salz u a lo castiello de Peracens) d'a "Cronica d'o Califa Abdarrahman III An-Nansir entre os anyos 912 y 942 (al-Muqtabis V)" de Ibn Hayyan de Córdoba chunto con atros lugars localizatos en o Xiloca u a Comunidat de Teruel.

Bi ha microtoponimos en aragonés como Puntal de los Galachos.

AdministraciónEditar

Reparto de concellersEditar

Eleccions municipals
Partito 1979 1983 1987 1991 1995 1999 2003 2007 2011
Partido Aragonés 1
Total 1

Puestos d'intrésEditar

Bi ha presencia d'arte esquematico en Penya de la Albarda y l' Abrigo de los Tioticos, a man d'on s'achunta o Barranco Cardoso y o Barranco de los Arejos. Son gravatos cruciformes y Antonio Beltrán Martínez los calenda en a Edat de Bronze.

PresonachesEditar

Chusé María Cebrián Muñoz ye naixito en ista localidat. Escribió Paisaches, o primer libro en aragonés común escrito y editato en Teruel; tamién estió miembro fundador d'a Colla de Fablans d'o Sur y d'a rebista Ruxiada.

ReferenciasEditar

  1. *(es) Gaudioso Giménez Resano: Toponimia mayor hispanoárabe de la provincia de Teruel. Revista Teruel, 76, chulio-aviento de 1986, pp 265-275.

BibliografíaEditar

Vinclos externosEditar