Saso

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Saso ye una plana alta acabada en uns baixadons abocaus enta una plana mes gran a on que ye bien envistable. A sobén o suyo suelo ye un cascallo. En muitas zonas d'a Depresión d'Ebro corresponde a faixas fluvials, pero en bell lugar d'a ribera d'Ebro u Monegros tamién se dice saso a un pueyo u cabezo conservando o significau etimolochico orichinal en latín.

Etimolochía

A palabra aragonesa saso provién d'o latín SAXUM ("penya"), y ye recurrent en a toponimia d'os Pireneus y val d'Ebro. Tamién trobamos o toponimo sasa que ye a fosilización d'o plural neutro SAXA.

Lista de Sasos

• Sasé.
• Saso de Biota.
• Saso d'Osera.
• Saso de Sant Mateu de Galligo.
• Sierra de la Cantera d'el Saso (en los termins municipals d'Andorra y Alcorisa, pero muito vistable dende Calanda).

Bibliografía

• (es) Juan Antonio Frago Gracia: Toponimia navarroaragonesa del Ebro (IV): Orónimos. Archivo de Filología Aragonesa. ISSN 0210-5624, Vol. 30-31, 1982, pachinas. 23-62.