Augua

compuesto quimico
Articlo d'os 1000

L'augua[1] (aigua en os parlars de Ribagorza) (d'o latín < AQUA)[2], como substancia quimica ye formata por hidrocheno y oxicheno, con a formula H2O.

Augua.

Ye una substancia abundant en a Tierra, a on puede trobar-se en distintas formas y puestos, prencipalment en os ocians, pero tamién en as boiras, as plevias, os ríos y as cheleras (por eixemplo en banquisas). Tién una gran capacidat ta disolver atras substancias y ye muito dificil trobar-la pura.

A diferencia d'a mayor parte d'as substancias tien mayor densidat en estato liquido que en estato solido, y esto tien muita importancia porque permite a vida en os lacos u mars que se chelan en hibierno.

O suyo alto calor especifico fa calga ceder muita enerchía pa cambear a temperatura y que tarde muito a escalfar-se u enfriar-se. Esto fa que siga un regulador d'o clima terrestre.

Ye un component fundamental en todas as formas de vida conoixitas.

Os humans y atros animals beben augua potable que ye un bien encara más escaso.

L'augua en a naturalezaEditar

L'augua en l'universoEditar

L'augua ye un element muito abundant en o nuestro sistema solar y se crei que tamién en l'universo, prencipalment en o suyo estato solido (chelo) y en forma gaseosa (vapor d'augua). Se ha detectato vapor de augua en Mercurio (3,4%), Venus (0,002%), la Tierra, Marte (0,03%), Chupiter (0,0004%), Encelado (91%) y en os exoplanetas HD 189733 b y HD 209458 b [3] en estado liquido en a tierra y en a luna.[4] y en chelo en a Tierra, Marte, Titán, Europa, Encelado, en cometas y atros obchetos meteoricos, y se crei que tamién bi ha chelo en a Luna, Ceres, Tetis, Urano y Neptuno.

UsosEditar

Uso agricolaEditar

 
Regando un cautivo.

L'agricultura ye l'actividat humana que mas augua consume, prencipalment pa lo regano, según la FAO (Organización d'as Nacions Unidas pa l'Alimentación y l'Agricultura) l'agricultura utiliza lo 69% de l'augua extraita en o mundo, en as zonas mas aridas s'estima que plega a lo 90%.

L'uso de nitratos y pesticidas en as labors agricolas suposan la prencipal contaminación difusa d'as masas d'augua tanto superficial como subterrania. La mas significativa ye la contaminación per nitratos, que produz la eutrofización d'as auguas.

Uso industrialEditar

 
Una maquina de vapor funcionando.

L'augua ye muito utilizada en procesos industrials prencipalment como materia prima, disolvent u pa realizar intercambios de calor, bien sía pa calentar u refrigerar. Tamién ye utilizau pa producir vapor d'augua que mueven maquinas u turbinas de vapor, pa producir movimiento u electrecidat. L'augua a presión s'utiliza pa labors de limpieza, hidrodemolición u en maquinas y pistolas pa tallar diferents materials como acero, formigón armau u ceramica.

Dimpués d'o suyo uso, la mayor parte s'elimina tornando-la nuevament a la naturaleza sin tractamientos, a vegadas se tractan pero atras l'augua residual d'a industria contaminada con metales pesaus, substancias quimicas u materia organica torna a lo ciclo de l'augua sin un tractamiento adequau, lo que repercute negativament en a calidat de l'augua y en o meyo ambient aquatico. En a actualidat i hai muitos países que regulan lo tractamiento d'as auguas y obligan a realizar ditos tractamientos pero muitos atros países no tienen regulación y son de dificil seguimiento y acaba no respectando-se.

Extinción d'incendiosEditar

La elevada calor latent de vaporización de l'augua y la suya relativament baixa reactividad quimica la convierten en un fluido eficaz pa amortar qualques tipos d'incendios. L'augua extingue lo fuego per enfriamiento, per medio de l'absorción d'a calor procedent d'a combustión. L'augua tamién disminuye la concentración de oxicheno en evaporar-se, contribuyindo asinas a safocar lo fuego. Manimenos, l'uso de l'augua pa amortar las flamas sobre equipos electricos no ye recomendable, a causa d'as suyas propiedatz como conductora d'a electricidat, que pueden provocar una electrocución.

Manimenos, l'uso de l'augua pa amortar las flamas sobre equipos electricos no ye recomendable, a causa d'as suyas propiedatz como conductora d'a electricidat, que pueden provocar una electrocución y d'a mesma forma no ha d'estar emplegada pa extinguir incendios de combustibles liquidos u disolvents organicos, ya que flotan en l'augua y la ebullición explosiva de l'augua tiende a extender lo fuego.

Uso recreativoEditar

 
Blinco de trampolín por parellas mixtas.
  • Las riberas d'os lacos, ríos y plachas, y los parques aquaticos son puestos populars de relaxación y diversión.
  • Lo son d'o fluxo de l'augua tiene un efecto tranquilizante, por estar un rudio blanco.
  • Os acuarios y estanques con peixes y vida marina per qualques personas son utilizaus pa diversión, companyía, u pa exhibición. Ista afición ye conoixida con o nombre d'acuariofilia, y ye muito antiga, documentada dende a lo menos fa 2.000 anyos en China, mientres muito tiempo la acuariofilia yera totalment basica, sin sistemas de suporte de vida pa los peixes, que requeriban especies resistents y constants cambios d'augua. Este sistema arcaico se perpetuó dica los nuestros días a traviés d'as peixeras, y se superó con o desembolique d'os modernos acuarios, con suportes vitals ta los peixes como filtros y oxichenadors d'augua.
  • Tamién s'utiliza pa chuegos de diversión y de baralla per medio d'o lanzamiento de bolas de nieu, globos d'augua, y mesmo con l'uso de pistolas d'augua.

EsporteEditar

Los humans utilizan l'augua pa quantos propositos recreativos, entre los quals se troban lo exercicio fisico y la practica d'esportes acuaticos. Beluns d'estes esportes incluyen la natación, lo buceo, lo esquí aquatico, la navegación, lo surf y lo blinco de trampolín. Tamién se fan esportes quan l'augua esta en atros estaus como os esportes d'hibierno que se fan sobre chelo o nieu, como lo hockey sobre chelo, lo patinache sobre chelo, lo curling, lo esquí, os blincos d'esqui, lo snowboard y atros con trineus.

OrnamentaciónEditar

Las fuents y canals, construyius en un prencipio pa facilitar l'uso de l'augua pa lo consumo humano, riego y transporte, han pasau a convertir-se en elementos ornamentals pa decorar puestos publicos u privaus.

BibliografíaEditar

Se veiga tamiénEditar

ReferenciasEditar

  1. (an) Silbia Garcés Lardiés,Francho Rodés Orquín:Un borguil de parolas.Bocabulario dialeutal escolar, Gubierno d'Aragón, 2006, ISBN 84-689-7358-0, p.14
  2. (es) José María Enguita Utrilla:Un vocabulario agrícola turiasonense de 1382, Turiaso n°8, 1989, ISSN 0211-7207, p.139-178
  3. (en) Water Found in Extrasolar Planet's Atmosphere.
  4. (de) Auf dem Mond gibt es Wasser.

Vinclos externosEditar