País Valenciano
O País Valenciano u Comunidat Valenciana (País Valencià u oficialment Comunitat Valenciana en valenciano; País Valenciano u Comunidad Valenciana en castellano) ye una comunidat autonoma d'Espanya situata en l'este d'a Peninsula Iberica. O suyo territorio, d'o que fan parte as provincias de Alicant, Castellón, y Valencia, ye o de l'antigo Reino de Valencia, que fue abolito en 1707 con os Decretos de Nueva Planta.
País Valenciano Comunidad Valenciana Comunitat Valenciana | |||||
Comunidat autonoma d'Espanya | |||||
| |||||
Entidat • Estato |
Comunidat autonoma Espanya | ||||
Capital | Valencia[1] | ||||
Subdivisions | 32 comarcas | ||||
Idioma oficial | Valenciano y castellano | ||||
Superficie • Total |
Pos. 8 de 19 23 255 km² | ||||
Población • Total (2019) • Densidat |
Pos. 4 de 19 5 003 769 hab. 219,81 hab/km² | ||||
Chentilicio | Valenciano/a[2] | ||||
ISO 3166-2 | ES-VC | ||||
President | Ximo Puig Ferrer (PSPV) | ||||
Estatuto d'autonomía | 10 d'abril de 1982 | ||||
Día d'o País Valenciano | 9 d'octubre | ||||
![]() | |||||
Pachina web oficial |
Mugas
Muga a lo norte con Catalunya y Aragón, a l'ueste con Castiella-La Mancha y con Aragón tamién, y a lo sud con a Rechión de Murcia.
Gubierno y administración autonomicos
O conchunto d'as institucions d'autogubierno d'a Comunidat Valenciana constituye a Cheneralidat Valenciana (Generalitat Valenciana en valenciano). Fan parte d'a Cheneralidat: as Cortz Valencianas u Corts, o President y o Gubierno valenciano u Consell.
O president d'a Cheneralidat ye tamién o president d'o Gubierno valenciano.
A potestat lechislativa drento d'a Comunidat, en materias d'a suya competencia, corresponde a las Cortz Valencianas, que representan a o pueblo valenciano a traviés d'os suyos 99 parlamentarios.
Historia
Enantes d'o trestallamiento en taifas las cronicas musulmanas en charran como o balad Balansiyya u districto d'a ciudat de Valencia.
Os orichens d'o País Valenciano como lo conoixemos se remontan a lo historico Reino de Valencia que yera drentro de la Corona d'Aragón y lo creyó Chaime I en o sieglo XIII en o contexto d'a conquista d'os reinos de taifas islamicos de Valencia, Denya, y parti de Murcia, y posterior colonización feudal a mans de catalans y aragoneses que trayeban tamién atros cristians d'atras tierras.
Lo reino creyato por Chaime I desaparixió en lo legal en 1707 por os Decretos de Nueva Planta d'o rei Felipe V d'Espanya. En os zaguers anyos d'o sieglo XIX i habió movimientos cantonalistas, (o d'Alcoi), como en atras zonas d'Espanya (Cartachena). Tamién naixioron reivindicacions rechionalistas y mesmo nacionalistas de signo catalanista que continoron en lo sieglo XX, que creyoron en bells sectors una reacción de signo contrario que encara existe.
En 1982 consiguió un Estatuto d'Autonomía que ha estato reformato en 2006.
Se veiga tamién
Artículos relacionados con País Valenciano |
Referencias
- ↑ (es) Gran Atlas Universal: España (Tomo 6), Salvat Editores,S.A. , ISBN 84-345-9788-8, 1998, p. 58
- ↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
Comunidatz autonomas d'Espanya |
Andalucía - Aragón - Prencipau d'Asturias - Islas Balears - Canarias - Cantabria - Castiella-La Mancha - Castiella y Leyón - Catalunya - Extremadura - Galicia - Comunidat de Madrit - Rechión de Murcia - Navarra - País Basco - A Riocha - País Valenciano |
Ciudatz autonomas |
Ceuta - Melilla |
Plazas de Sobiranía |
Chafarinas - Penyón de Vélez de la Gomera - Penyón d'Alhucemas |