Beirut

Beirut (بيروت‎ en arabe, Beyrouth en francés) ye una ciudat libanesa, que ye a prencipal ciudat d'o país, o suyo mayor puerto y a suya capital, amás d'estar a capital d'a Gubernación de Beirut.

Beirut بيروت
Localidat de Liban
Anvista de Beirut.
Estau  • Gubernación	Liban Beirut
Superficie	19,8 km²
Población  • Total  • Densidat	361366 hab. (2012) 85.858,59 hab/km²
Altaria  • Meyana	0 m.
Coordenadas	33°53’12’’N35°30’47’’E
Beirut Beirut en Liban
Web oficial

A suya población estimada (2007) ye d'1.700.000 habitants, encara que no bi ha dengún censo oficial de población en o país dende 1932. Asinas, bi ha estimacions dende os 450.000 dica os 2.000.000 d'habitants. A superficie d'o municipio en sentiu estricto ye de 19,8 km², encara que os calculos de población se fan a sobén sobre toda l'aria urbana, que incluye toda la gubernación y tamién d'atros territorios d'a comarca, en un aria d'arredol de 60–100 km². Por ixo ye difícil calcular a suya densidat de población, que matematicament ye de 85.858,59 hab/km², encara que ye una cifra difícil d'acceptar.

Toponimia

Beirut figura como Beruch en o Libro d'as Marabillas d'o Mundo:

En a(a)quiella Cibdat y moran de muchos buennos cristianos et segu(n)t n(uest)ra fe dailli viene hombre a beruch do Sant george mato el dragon

Historia

La historia de Beirut se remonta a fa mas de 5.000 anyos. Las excavacions arqueolochicas realizadas en o centro d'a ciudat han descubierto libels estratigraficos correspondients a las civilizacions fenicia, helenistica, romana, arabe y otomana. La primera referencia historica a Beirut data d'o sieglo XV aC., cuan ye mencionana en as tablillas d'escritura cuneiforme d'as Cartas de Amarna, tres cartas que lo rei Ammunira de Biruta (Beirut) ninvió a lo faraón d'Echipto.

Patrimonio

Museos

D'entre los museos destaca lo Museo Nacional de Beirut, que ye lo museo arqueolochico mas important d'o Líbano con una impresionant colección de mas de 100,000 piezas y que abarca dende la prehistoria dica lo periodo mameluco. Tambien ye de destacar lo Museo Sursock dedicau a exposicions d'arte moderno.

Localidaz achirmanadas

• Buenos Aires (Archentina).
• Ciudat de Mexico (Mexico).
• Houston (Estaus Unius).
• Los Ángeles (Estaus Unius).
• Madrid (Espanya).
• Maracaibo (Venezuela).
• Caracas (Venezuela).
• Ciudat Bolívar (Venezuela).

Vinclos externos

• Se veigan as imáchens de Commons sobre Beirut.
• (ar) / (en) / (fr) Pachina web oficial municipal de Beirut.

• Datos: Q3820
• Multimedia: Beirut / Q3820