Diocesi d'Albarracín
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
La diocesi d'Albarracín estió una diocesi que existió dende l'anyo 1172 u 1173 dica l'anyo 1259, cuan fue fusionata a la diocesi de Segorb convertindo-se en la Diocesi de Segorb-Albarracín y que amaneixió atra vegada en 1577 por deseparación d'a Diocesi de Segorb-Albarracín y desapareixió a la fin en 1984 por fusión con a diocesi de Teruel
| Diocesi d'Albarracín Dioecesis Albarracinensis | |
| Antiga diocesi d'Aragón | |
| Entidat • Provincia |
Antiga diocesi Zaragoza |
| Capital | Albarracín |
| Seu bispal | Seu d'o Salvador |
| Fundación | 1172 u 1173 (1ª etapa) 1577 (2ª etapa) |
| Desaparición | 1259 (1ª etapa) 1984 (2ª etapa) |
 En marrón fosco a diocesi d'Albarracín en o sieglo XVII | |
Historia
editarLas poblacions orichinals d'esta diocesi estioron Albarracín, Bezas, Bronchales, Calomart, Fridas d'Albarracín, Griegos, Guadalaviar, Chabaloyas, Monterd, Moscardón, Noguera, Oriuela, Pozondón, Royuela, Saldón, Terrient, Toril, Masegoso, Torres d'Albarracín, Tramacastiella, Val Longuiello, Villar d'el Cobo, Huélamo y Motos, y en 1210 s'ixampló por conquiesta con Ademuz, Alobras, Castiel Fabib, Lo Cuervo, Tormón, Pina, Santa Cruz de Moya y Vallanca.
La erichioron en 1172 sobre lo territorio de la Sinyoría d'Albarracín, con lo nombre de Alcabricense, nombre que duró 3 anyatas. Dimpués li posoron lo nombre de Segobricense y Santa María de Albarracino. En 1173 fue erichita propiament, cuan lo suyo segundo bispe, Don Martín, fue consagrato (lo primero, Don Ferrando no plegó a ser-ne). La enchaquia d'existencia d'este bispato y seu bispal estió que Albarracín alavez yera una sinyoría independient protechito por lo rei de Navarra pero independient de Castiella y Aragón. La creyación d'ixe bispato, en contra de los intreses de lo bispato de Zaragoza aturó que la sinyoría d'Albarracín s'adibise a Aragón, y favoreixió los intreses de la dinastía local de los Azagra, que quereban mantener-sen como sinyors independients. D'ixa traza la sinyoría d'Albarracín no s'incorporó a lo reino de Navarra y estió dimpués un estato chicot entre Castiella e Aragón, con un dificil equilibrio cheopolitico.
Tot ixo a tamas de la Bula d'Hadrián IV en 1158 que confirmaba que Sanctam Mariam de Berracin perteneixeba a la Diocesi de Zaragoza y en yera una muga, que lo 19 de chinero de 1172 lo Papa Aleixandre III ordenase a Pero Ruíz d'Azagra que posase en mans de lo bispe de Zaragoza las ilesias de la ciudat d'Albarracín, y que lo 24 de chinero ordenase a lo bispe de Pamplona que lo excomulgase si no lo feba.
Zaragoza y Toledo, y dica Tarragona, luitoron por la posesión sufragania d'esta diocesi, pero estió l'arcebispe de Toledo, don Cerebruno, con l'aprobación de lo Cardenal Chacinto Orsino, legato d'Aleixandre III, que la fació sufragania dende la suya eslección.
Lo día 18 de marzo lo papa Aleixandre decretó en Anagni con una bula la unión de las ilesias d'Albarracín y de Segorb, con lo que naixió la diocesi d'Albarracín-Segorb.
Gregorio XIII estió qui, a instancias de Felipe II, prenió a decisión de partir en dos a diocesi de Segorb-Albarracín, tornando a existir a diocesi d'Albarracín independient. En a Bula publicata en 1577 alegaba as razons:
- Segorb perteneixeba a lo Reino de Valencia y Albarracín a lo Reino d'Aragón.
- Toz os canonches residiban en Segorb.
- O culto en Albarracín yera abandonato por haber-ie muita población morisca.
Tamién aproveitaba a vacant de l'arcebispe de Zaragoza y a d'o bispe de Segorb-Albarracín.
A orden fue bien acollita en Albarracín, pero no en Segorb, que retrasó a deseparación 20 anyatas. O nuevo bispe d'Albarracín fue proclamato sufraganio de Zaragoza y o bispe de Segorb fue proclamato sufraganio de Valencia.
Lo suyo zaguer bispe estió José Talayero Royo en 1839, dimpués la richioron bels Vicarios Capitulars; en 1870 lo bispe de Teruel fue nombrato Administrador Apostolico d'Albarracín. Esta situación anomala remató en 1984 con la Bula "Cum Nostrum" de lo Papa Chuan-Pavlo II, que estableix la unión "aeque et principaliter" de las diocesis de Teruel y Albarracín en una sola diocesi dita "Diocesi de Teruel y Albarracín".
Cronolochía episcopal
editar- Se veiga a lista de bispes d'Albarracín.
Datos: Q7361675
