Alobras

Alobras ye un municipio de la provincia de Teruel, situau en la comarca de la Comunidat de Teruel. La suya población ye de 62 habitants (2018), en una superficie de 30,7 km² y una densidat de 2,44 hab/km².

Alobras
Municipio d'Aragón
Entidat  • País  • Provincia  • Comarca	Municipio  Aragón  Teruel Comunidat de Teruel
Superficie	30,7 km²
Población  • Total	67 hab. (2013)
Altaria  • Meyana	1100 m.
Distancia  • 45 km	enta Teruel
Alcalde	Avelino Soriano Rodríguez
Codigo postal	44134
Coordenadas	40° 10’45’’N 1°23’19’’U
Alobras Alobras en Aragón

Toponimia

Lo toponimo Alobras ye comparable a Alovera en la provincia de Guadalachara, que ye interpretable a partir de l'arabe Al hawar ("l'urmo"), talment a traviés d'una forma diminutiva Al huwayra.

Bi ha microtoponimos d'aspecto aragonés como El Plano, La Artiga y atros que podioron estar en aragonés y se castellanizoron como El Hustal, Puente Tornajuelo y Coronillas.

Cheografía

Ye situau en la val de lo río Ebrón.

Mugas

Lo suyo termin municipal muga con una "manga" u prolongación de lo termin d'Albarrazín correspondient a El Canyigral, con Chabaloyas, con Tormón, con Lo Cuervo, con Veguiellas d'El Cuervo y con Salvacanyet.

Historia

Alobras estió una villa de lo Condau de Fuents en la Diocesi de Segorb-Albarrazín y dependeba eclesiasticament de Tormón, tamién d'ixe condau y con un important castiello. En 1553 lo bispe d'Albarrazín-Segorb don Gaspar Jofre de Borja creyó la vicaría d'Alobras. Quan a zaguers de lo sieglo XVI se produció lo desligamiento entre las diocesis d'Albarrazín y Segorb, Alobras yera en lo Cuartillejo del Cuervo, que quedó adintro de la Diocesi d'Albarrazín dimpués d'un litichio territorial.

En 1646 perteneixeba a la Vereda de Mont Albán. Dende 1711 dica 1833 fació part de lo Correchimiento de Albarrazín.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Popular									2
Partido Aragonés									1
Total									3

Alcaldes

Lista d'alcaldes

Lechislatura	Nombre	Partiu politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011
2011–2015	Avelino Soriano Rodríguez	Partido Popular

Puestos d'intrés

• Ilesia de Sant Fabián y Sant Sabastián, s. XVII.
• Ermita de Sant Roque, s. XVII.

Fiestas

• Virchen d'agosto, 14-18 d'agosto.
• Sant Isidro Labrador, 15 de mayo.

Bibliografía

• (es) César Tomás Laguía: Las iglesias de la diócesis de Albarracín, Revista Teruel, nº 32, 1964, pp. 5–173.