Chabaloyas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Chabaloyas (Jabaloyas en castellano) ye un municipio de la provincia de Teruel, situau en la comarca de la Sierra d'Albarracín.

Chabaloyas Jabaloyas
Municipio d'Aragón
Entidat  • País  • Provincia  • Comarca	Municipio  Aragón  Teruel Sierra d'Albarracín
Partiu chudicial	Teruel
Superficie	61,63 km²
Población  • Total  • Densidat	74 hab. (2013) 1,2 hab/km²
Altaria  • Meyana	1.405 m.
Distancia  • 44,5 km	enta Teruel
Alcalde	Antonio Sánchez Sánchez
Codigo postal	44122
Parroquial  • Diocesi  • Arcipestrau  • Parroquia	Teruel y Albarracín Albarracín Asumpción de Ntra. Sra.
Coordenadas	40°14’24’’N 1°24’36’’U
Chabaloyas Chabaloyas en Aragón
Web oficial

La suya población ye de 74 habitants, en una superficie de 61,63 km² con una densidat de 1,2 hab/km².

Toponimia

Lo toponimo Chabaloyas provien de l'arabe Djabal, "pueyo", "mont". En una de las suyas primeras mencions s'escribe Javalues, (lo 24 d'agosto de 1284 mientres lo sitio d'Albarracín). En textos medievals como las Cronicas d'os Chudeces de Teruel s'escribe Javaloyas (J con valura de Ch igual que en la grafía SLA). Conoixemos la forma Chavaloyas escrita con letra "ch" por lo nombre de qui examinó a lo chudeu ixarán Juce Chiniello en 1436, Juan de Chavaloyas.

Cheografía

Ye situau a piet de la Sierra de Chabalón, a 1.405 metros d'altaria dencima de lo livel d'a mar, a una distancia de 44,5 km de Teruel, la capital de la suya provincia.

Mugas

Lo suyo termin municipal muga con Albarracín, con Tormón, con Alobras, con una manga de lo termin d'Albarracín correspondient a El Canyegral, y con atra manga de lo termin d'Albarracín que lo desparte de lo termin de Toril y de Val de Cuenca.

Historia

Lo 24 d'agosto de 1284 mientres lo sitio d'Albarracín lo rei Pero III d'Aragón concedió lo privilechio de poblar lo lugar y termin de Chabaloyas a los ballesters Eximino Pérez d'Osa, Pedrozo de Mora y Dalmacio de Villarrasa.

Chabaloyas estió una aldeya de la Sexma de Chabaloyas adintro de la Comunidat d'aldeyas d'Albarracín. Fació part tamién de la sobrecullida de Teruel por lo menos dende 1446 dica 1495, de la vereda de Teruel en lo sieglo XVII y de lo correchimiento d'Albarracín entre 1711 y 1833. En 1785 prenió la categoría de "lugar"

Demografía

Evolución demografica

1992 1994 1996 1997 1998 1999 2000 2001 2002 - - - - 94 92 89 85 77

2003 2004 2005 2006 2007 2008 2009 2010 2011 75 79 87 82 85 85 89 81 90

2012 2013 2014 2015 2016 2017 2018 2019 2020 83 78 73 77 77 68 65 63 59

2021 2022 2023 2024 2025 2026 2027 2028 - 61 65 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido de los Socialistas de Aragón									1
Total									1

Alcaldes

Lista d'alcaldes

Lechislatura	Nombre	Partiu politico
1979–1983	Cristóbal Lázaro Monleón	UCD
1983–1987
1987–1991
1991–1995
1995–1999
1999–2003
2003–2007
2007–2011	Antonio Sánchez Sánchez	PSOE
2011–2015
2015-2018 2018-2019	Antonio Sánchez Sánchez Enrique Álvarez Carmona
2019-2020 2020-2023	Enrique Álvarez Carmona Óscar Castillo	PSOE Independiente
2023–2027	Oscar Castillo Murciano	PAR

Molimentos

• Ermita de la Virchen de las Dolors, d'estilo mudéchar aragonés.
• Ilesia de l'Asumpción.
• Ermita de Sant Cristoval.
• Casa d'a Sirena.

Curiosidaz

Los reportals de muitas casas tienen muitos simbolos entallaus, como representacions de sargantanas. Esto y l'aire gotico de muitos edificios dan fama a esta localidat de Lugar de Bruixas.

Fiestas

• 10 de chulio.

Referencias

Lugars d'o municipio de Chabaloyas
Arroyofrido | Chabaloyas

• Datos: Q1651551
• Multimedia: Jabaloyas / Q1651551