Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Segorb (Segorbe en castellano, Sogorb en valenciano) ye un municipio de la provincias d'Espanya de Castellón, situau en la comarca de l'Alto Palancia. La suya población ye de 9089 habitants (2013), en una superficie de 106,10 km² con una densidat de 85,68 hab/km².

Segorb
Municipio d'o País Valenciano
Bandera Escudo d'armas
Entidat
 • Estau
 • Comunidat
 • Provincia
 • Comarca
Municipio
 Espanya
 País Valenciano
Castellón
Alto Palancia
Superficie 106,10 km²
Población
 • Total

9425 hab. (2013)
Altaria
 • Meyana

358 m.
Distancia
 • 65 km

enta Castellón de la Plana
Alcalde Rafael Calvo Calpe
Codigo postal 12400
Coordenadas
Segorb ubicada en País Valencián
Segorb
Segorb
Segorb en País Valenciano
Web oficial

Cheografía editar

Ye situau sobre dos cabezos de la marguin de lo río Palancia.

Parla editar

Actualment en Segorb se charra castellano churro con seseyo d'orichen valenciano. Esta parla churra s'orichinó por castellanización de l'aragonés que se i charró en la Edat Meya, aragonés traito dende lo sieglo XIII por los repobladors cristianos, que yeran d'orichen predominantement aragonés, con presencia de catalans (30 % de los repobladors cristianos), navarros y castellanos.

Lo lexico d'intrés etnografico de Segorb se conoix relativament bien por figurar esta localidat en l'ALEANR con la sigla Cs 301.[1] Bi ha muitos aragonesismos como tarquín (con lo significau de "laco" u tarquín putient y no con lo significau de l'Alto Aragón oriental).

Toponimia editar

S'ha creyito que lo toponimo Segorb se remontaba a lo celtiberico Segobriga, pero agora se considera que ye d'orichen latín y que tien relación con urbs, urbis, sub urbem.

En la documentación arabe s'emplegaban derivatos de la radiz suburb. En un texto de 1122-1124 de cuan Alifonso I lo Batallero s'escribe Xeborc, con una X por estar preso a traviés de l'arabe:

Ad honorem autem Dei et sancte militie sustentationem, dedit rex medietatem redituum ipsius civitatis, et medietatem medietatis sue Xeborc, et de Biniol, et de Conca, et de Molina, et de Burbaca, et de portu de Caramana

La evolución natural de lo prefixo latín SUB en aragonés ye so, en aragonés medieval s'escribia a vegatas Sogorb, con prefixo so- y a vegatas Segorb, con a variant se d'este sufixo. Tamién en la documentación bi heba dandaleyo entre la forma con O, Sogorbio, y formas con E. L'alternancia de E y O ye normal en aragonés y mesmo se torna en lo prefixo so- (Somontano y Semontano), pero emplegar la forma con E yera una forma de fer lo toponimo mas pareixito a Segobriga. En la documentación eclesiastica se manipulaban tamién las consonants en un sentito u atro: en la Seu de Valencia, a on no se quereba que Segorb pasase a depender de lo bispato de Toledo s'escribe segorbicense, pero atros escriben segobricense.

En lo sieglo XIII ya bi heba microtoponimos con fonetica aragonesa orichinal como Cascallo y Los Regallos que dimpués cambioron foneticament. La microtoponimia segorbina de lo Sieglo XV se conoixe prou bien por la documentación municipal y destaca la presencia de microtoponimos en aragonés ya perdius como ciertos nombres de huertas (Gallipuent, Utriellas, Los Moliniellos y Piedra Fundida).

Demografía editar

Evolución demografica
2012 2013 2014 2015 2016 2017 2018 2019 2020
- 9.089 - - - - - - -

2021 2022 2023 2024 2025 2026 2027 2028 -
- 9.146 - - - - - - -

1990- : población de dreito.
Fuent: Intercensal en l'INE, Series de población en l'INE y Relación d'unidaz poblacionals en l'INE.

Curiosidaz editar

La falsa identificación de l'antiga Segobriga con l'actual Segorb s'orichina en la Edat Meya, por los intereses que teneba la Seu bispal de Toledo sobre lo bispato d'Albarracín. La Segobriga visigoda perteneixeba a la diocesi de Toledo, pero cuan la dominación musulmana la fació desapareixer, se perdió la conoixencia d'a on yera. En lo sieglo XIV Toledo quereba incorportar Albarracín a la churisdicción suya, y identificar Segobriga con Segorb, mas a l'este d'Albarracín, lechitimaba las suyas pretensions. Huei se sabe que l'antiga Segobriga ye l'actual Saelices en la provincia de Cuenca.

Referencias editar

  1. (es) Manuel Alvar: Atlas lingüístico y etnográfico de Aragón, Navarra y Rioja. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3.

Bibliografía editar

  • (es) Vicente García Edo: Segorbe en el siglo XIII. Excmo. Ayuntamiento de Segorbe, 1987.
  • (es) Rosa Gómez Casañ: Aproximación a la historia lingüística del Alto Palancia entre los siglos XIII y XVI. Ayuntamiento de Segorbe, 1988
  • (es) Cayetano Torres Fornes: Sobre voces aragonesas usadas en Segorbe (1903). [1]
  • (es) Natividad Nebot Calpe: Toponimia del Alto Mijares y del Alto Palancia: estudio etimológico. Diputació de Castelló, 1991.
  • (es) Joaquín Aparici Martí: Vall de Crist, Altura y Alcublas: concordias y acuerdos con Valencia, Segorbe y Liria (1403-1431). Instituto de Cultura del Alto Palancia, 2013