Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Se conoix con o nombre de bula u bula papal u bula pontificia a un documento sellato on un sello y que contién una decdisión d'un Papa, ya siga declarando un anyo santo, convocando un concilio, nombrando un bispe, arzebispe u cardenal, iniciando un proceso de canonización, establindo un dogma d'o Catolicismo, etc. Ye pues un instrumento de gubierno d'a Ilesia Catolica con intrés cheneral ta toz os fiels d'ixa confesión, y gosa ser conoixito con o nombre d'as suyas primeras palabras.

Bula Contra errores Martini Lutheri et sequacium, condenando a Martín Lutero.

Etimolochía editar

A palabra "bula" provién d'o latín bulla, que inicialment designaba cualsiquier chicot elemento de forma redonda (a palabra "bola" tien o mesmo orichen etimolochico) y que dimpués pasó a designar especifcament a un chicot amuleto que portaban os ninos penchato d'o cuello, fabricato con archila cuita. Dimpués o suyo significato s'enampló t'abracar tamién a os primers sellos, que yeran tamién feitos en archila, d'a on deriva dreitament o significato d'a "bula".