Oriuela (Teruel)

Oriuela (pronunciau /oɾi'gwela/, como "origüela"; Orihuela del Tremedal en castellán) ye un municipio de la provincia de Teruel, situau en la comarca de la Sierra d'Albarrazín. La suya población ye de 552 habitants (2013), en una superficie de 71,4 km² con una densidat de 7,55 hab/km².

Oriuela
Municipio d'Aragón
Anvista d'Oriuela.
Entidat  • País  • Provincia  • Comarca	Municipio Aragón  Teruel Sierra d'Albarrazín
Superficie	71,4 km²
Población  • Total	504 hab. (2016)
Altaria	1447 m.
Distancia  • 62,2 km	enta Teruel
Codigo postal	44366
Ríos	Rio Gallo
Coordenatas	40°33’ 0’’N 1°39’ 0’’U
Oriuela Situación d'Oriuela en Aragón

Toponimia

Lo toponimo Oriuela se relaciona con lo toponimo vicín Orea como forma diminutiva a l'egual que Santolarieta con Santolaria, pero con lo sufixo diminutivo -uela. Una de las primeras mencions ye como Oreyuela, pero sabemos si la epentesi antihiatica ye real u una hipercorreción de lo escribán. Ye posible veyer escrito en textos antigos en castellán u en aragonés la forma Origüela, d'alcuerdo con una traza de pronunciar-se.

S'escribiba Orihuela en 1857 y ye oficialment Orihuela del Tremedal dende 1860. Prene l'apelativo por como se dicen las turberas en Oriuela y la suya redolada y por lo nombre de lo Santuario de la Virchen d'el Tremedal (Santa María la Vyeja del alto de Oriuela en un texto de 1486). Las turberas son suelos tovos que quan lo pisan tremola.

Cheografía

Ye situau en una plana, que corresponde a un polje karstico, en lo cabalto de la compleganza de lo río Gallo y a piet de la Sierra d'el Tremedal, segmento de la Sierra d'Albarrazín. Bi ha extensas pinetas de pin royo u Pinus sylvestris; lo pin royo en bell puesto sustituye a lo caixico Quercus pyrenaica, dito aquí Marhojo. Bi ha bellas turberas u tremedals, con plantas carnivoras de los cheners Drosera y Pinguicola; las pauls huei son ocupadas por la pineta de pin royo, pero que dica lo sieglo IX teneban abetullos. Los dos zaguers abetullos de la provincia de Teruel se troban en una part de lo termin d'Oriuela mugando con Guadalachara.

Mugas

Lo suyo termin municipal muga con Alustante, Rodenas, Bronchales, y con una prolongación occidental de lo termin d'Albarrazín, conoixita como El Puerto, que desepara de Orihuela lo termin de Griegos, Noguera d'Albarrazín y Orea.

Historia

Se suposa que Oriuela fue repoblada dimpués de la suya reconquiesta por navarros, que trayoron con ellos lo culto a Sant Millán de la Cogolla, patrón d'esta localidat.

Estió una aldeya de la Comunidat d'Albarrazín que feba part de la Sexma de Bronchales. En 1446 y en 1495 yera de la Sobrecollida de Teruel. En 1646 yera de la Vereda de Mont Albán. En 1711 teneba ya la categoría de lugar y perteneixeba a lo Correchimiento d'Albarrazín, como en 1833.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Popular									3
Partido de los Socialistas de Aragón									2
Partido Aragonés									2
Total									7

Alcaldes

Lista d'alcaldes

Lechislatura	Nombre	Partito politico
1979–1983	Manuel Sanz Cavero	Independient
1983–1987	Eusebio Aparicio Villén	AP
1987–1991	Manuel Sanz Cavero	PSOE
1991–1995	Alberto Villén Pinilla	PAR
1995–1999	Isidro Villen Sorando	PAR
1999–2003	Rafael Samper Miguel	PAR
2003–2007	Rafael Samper Miguel	PAR
2007–2011	Rafael Samper Miguel	PAR
2011–2015	Rafael Samper Miguel	PP
2015–2019	Rosa Maria Sánchez Casas	PP
2019–2023