Terrient

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Terrient (Terriente en castellano) ye un municipio aragonés de la provincia de Teruel, situau en la comarca de la Sierra d'Albarracín y partiu chudicial de Teruel. La suya población ye de 178 habitants (2015), en una superficie de 48,05 km² con una densidat de 3,69 hab/km².

Terrient
Municipio d'Aragón
A Casa d'a Villa de Terrient.
Entidat  • País  • Provincia  • Comarca	Municipio  Aragón  Teruel Sierra d'Albarracín
Partiu chudicial	Teruel
Superficie	48,05 km²
Población  • Total	206 hab. (2013)
Altaria  • Meyana	1412 m.
Distancia  • 34 km  • 13 km	enta Teruel enta Albarracín
Alcalde	Victoriano Jordán Codes
Codigo postal	44120
Parroquial  • Diocesi  • Arcipestrau  • Parroquia	Teruel y Albarracín Albarracín O Salvador
Coordenadas	40°17’49’’N 1°30’15’’U
Terrient Terrient en Aragón
Web oficial

Cheografía

Terrient ye situau a piet de la Sierra de L'Algarbe, a una distancia de 34 km de Teruel, la capital de la suya provincia, y a 13 km d'Albarracín, la capital de la suya comarca.

Comprende l'aldeya u pedanía d'El Villarecho y los casals Foyos Quemados, Los Molinares, Mierla, Molinos d'Algarbe y Villalba.

Terrient ye la localidat tipo a on se definió la unidat estratigrafica Miembro Terrient, d'edat kimmerigiana (Churasico superior), y de facies oncoliticas.

Mugas

Lo termin municipal de Terrient presenta dos curtas mugas con Toril y Masegoso, la resta de lo termin municipal ye repitiau por una estreita francha u manga de lo termin d'Albarracín, que desparte Terrient de Toril y Masegoso, Val Longuiello, Moscardón, Royuela, Saldón y Val de Cuenca.

Toponimia

Lo toponimo Terrient se relaciona con "Torrent", con una disimilación de la o como e, común en aragonés: hespital, prebar, los toponimos Teruel y Segorb, y que talment explique l'alternancia de las formas Bidaxen y Bidaxon.

Entre los suyos microtoponimos mes intresants y antigos bi ha una partida con etimolochía arabe, El Algarbe, que ya se menciona en textos medievals.

Historia

Terrient estió una aldeya de la Sexma de Chabaloyas adintro de la Comunidat d'aldeyas d'Albarracín. Fació part tamién de la sobrecullida de Teruel por lo menos dende 1446 dica 1495, de la vereda de Teruel en lo sieglo XVII y de lo correchimiento d'Albarracín entre 1711 y 1833. En 1785 prenió la categoría de "lugar".

Demografía

Evolución demografica

1992 1994 1996 1997 1998 1999 2000 2001 2002 - - - - 176 188 184 179 173

2003 2004 2005 2006 2007 2008 2009 2010 2011 174 183 177 185 192 187 187 186 197

2012 2013 2014 2015 2016 2017 2018 2019 2020 191 179 177 178 173 178 183 183 180

2021 2022 2023 2024 2025 2026 2027 2028 - 181 191 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Aragonés									4
Partido de los Socialistas de Aragón									1
Total									5

Alcaldes

Lista d'alcaldes

Lechislatura	Nombre	Partiu politico
1979–1983	Patricio Barrera Sánchez	PSOE
1983–1987
1987–1991
1991–1995
1995–1999
1999–2003
2003–2007
2007–2011
2011–2015	Victoriano Jordán Codes	PAR
2015–2019
2019–2023
2023–2027	Victoriano Jordán Codes	PAR

Molimentos

Ilesia parroquial d'el Salvador

• Casa de la Villa, de lo sieglo XVI. Ye protechida legalment dende 2002 con la suya declaración como Bien d'Intrés Cultural.
• Ilesia parroquial d'el Salvador, de lo sieglo XVI.
• Ermita d'el Rosario, de lo sieglo XVIII.

Fiestas

• 2 de chulio, la Visitación de la Virchen.

Vinclos externos

• (es) Terrient en CAIAragón.

Nuclios de población de Terrient
Terrient | El Villarecho

• Datos: Q1650823
• Multimedia: Terriente / Q1650823