Diaspora aragonesa

A diaspora aragonesa ye o conchunto de personas d'orichen aragonés que viven difuera d'Aragón. A o largo d'o tiempo, muitos aragoneses han emigrau d'a suya tierra natal, a sobén por razons economicas y politicas. Muitos de éls han conservau rasgos d'a suya identidat y cultura y lazos con Aragón.

Os grupos mas important d'aragoneses y d'os suyos descendients difuera d'Aragón se troban en Catalunya y o País Valenciano.^[1]

Historia

A emigración aragonesa enta as recient conquistadas tierras d'o Reino de Valencia prencipia en o segundo cuarto d'o sieglo XIII cuan Chaime I d'Aragón mira de conquistar istas tierras dimpués de bel intento anterior. Seguntes queda documentau en o "Llibre del Repartiment" os primers repobladors d'a ciudat de Valencia provienen de concellos aragoneses de que ya heban tractau a cuestión en as Corz Chenerals de 1236: Zaragoza, Teruel, Daroca, Calatayú y Tarazona. I heba tamién a-saber-los eclesiasticos y nobles aragoneses que aduyoron a o rei en a conquista y recibioron tierras y residencias en a capital d'o nuevo reino. Amás d'a capital a nobleza y ilesia aragonesa tamién obtenioron tierras en tot o Reino de Valencia. En o sieglo XIV os aragoneses representaban con un 9,49% o mayor grupo de solicitants d'a vecindat valenciana, estando orichinarios tres cuartos d'éls de l'actual provincia de Teruel.^[2]

^[3] ^[4] ^[5] ^[6]

Diaspora en l'actualidat

Catalunya y concretament a Barcelona han estau mientres o zaguer sieglo y continan estando o prencipal destín d'os aragoneses, con 92.676 naixius d'Aragón censaus en 2019 en Catalunya, lo que convierte a la provincia de Barcelona en a "cuarta provincia aragonesa"^[7] Atros destins actuals d'os emigrants aragoneses son o País Valenciano con 39.289, Madrit con 33.159, Andalucía con 11.544 y Navarra 11.015 en l'anyo 2018.^[8]

Por continents, d'os mas de 49.500 aragoneses residents difuera d'Espanya en 2023, a mayoría viviban en países d'Europa (25.067, un 50,58%), seguiu d'America (22.268, un 44,93%). I heba tamién 979 aragoneses residents en Africa, 866 en Asia y 373 en Oceanía. Por países os prencipals receptors d'aragoneses son Francia (10.411), Archentina (6.271), Reino Uniu (4.317), Alemanya (3.622) y Estaus Unius (3.423).^[9]

Casas y centros aragoneses en l'exterior

Existen cuantas casas y centros aragoneses en os países con mayor presencia d'immigrants aragoneses. D'o total de 64 casas d'Aragón 51 se troban en Espanya, estando Catalunya con 25 y o País Valenciano con 9 as comunidaz autonomas con mas centros aragoneses:^[10]

Espanya

Andalucía
- Casa de Aragón Costa del Sol (Fuengirola)
- Casa de Aragón en Sevilla (Sevilla)
Balears
- Centro Aragonés de Palma de Mallorca (Palma de Mallorca)
Canarias
- Asociación Amigos de Aragón en Canarias (Arona)
Cantabria
- Centro Aragonés en Cantabria (Santander)
Castiella La Mancha
- Casa de Aragón en Albacete (Albacet)
Castiella y Leyón
- Casa de Aragón de Valladolid (Valladolit)
Catalunya
- Agrupación Aragonesa Amposta (Amposta)
- Centro Aragonés de Badalona (Badalona)
- Centro Aragonés de Barcelona (Barcelona)
- Centro Aragonés de Sarriá (Barcelona)
- Casa Regional de Aragón-Peña Folklore Aragonés (Berga)
- Agrupación Artística Aragonesa de Blanes y Comarca (Blanes)
- Casa De Aragón de Cerdanyola del Vallès (Cerdanyola del Vallès)
- Casa De Aragón El Prat de Llobregat (El Prat de Llobregat)
- Centro Aragonés de Esplugues de Llobregat (Esplugues de Llobregat)
- Casa De Aragón de Gavà, Viladecans y Castelldefels (Gavà)
- Casa De Aragón en Lleida (Leida)
- Centro Aragonés de Hospitalet de Llobregat (L'Hospitalet de Llobregat)
- Casa Regional de Aragón de Mollerussa (Mollerussa)
- Centro Cultural y Recreativo Aragonés de Mollet y Comarca (Mollet del Vallès)
- Centro Aragonés El Cachirulo (Reus)
- Centro Recreativo y Cultural Aragonés Ripollet (Ripollet)
- Centro Aragonés de Rubí (Rubí)
- Centro Aragonés de Sabadell (Sabadell)
- Asociación Cultural Aragonesa de Salou (Salou)
- Associació Aragonesa Planera de Santa Bàrbara (Santa Bàrbara)
- Casa de Aragón “La Virgen del Pilar” (Santa Coloma de Gramenet)
- Centro Cultural de Aragón en Tarragona (Tarragona)
- Centro Aragonés de Terrassa (Terrassa)
- Centro Aragonés de Tortosa (Tortosa)
- Centro Aragonés en Valls (Valls)
Comunidat de Madrit
- Casa de Aragón del Henares (Alcalá de Henares)
- Casa de Aragón en Madrid (Madrit)
- Casa de Aragón en Tres Cantos (Tres Cantos)
Galicia
- Casa de Aragón en La Coruña (A Coruña)
País Basco
- Centro Aragonés de Bilbao (Bilbau)
- Asociación San Valero Casa de Aragón de Guipúzcoa (Sant Sabastián)
- Casa de Aragón en Álava (Vitoria)
País Valenciano
- Centro Aragonés Rincón de Ademuz (Ademuz)
- Centro Aragonés de Alquerías del Niño Perdido (Les Alqueries)
- Centro Aragonés de Benicarló (Benicarló)
- Centro Aragonés de Castellón (Castellón de la Plana)
- Centro Aragonés de Elche (Elch)
- Centro Cultural y Recreativo Aragonés (Port de Sagunt)
- Casa de Aragón de Sagunto (Murviedro)
- Centro Aragonés de Valencia (Valencia)
- Centro Aragonés en Vinaroz (Vinaroz)
La Rioja
- Casa de Aragón en La Rioja (Logronyo)
Melilla
- Asociación Casa de Aragón de Melilla (Melilla)
Navarra
- Casa de Aragón en Navarra (Pamplona)

Europa

Belchica
- Asociación Amigos de Aragón (Bruselas)
Francia
- Casa de Aragón de Tolosa (Tolosa)

America

Archentina
- Casa de Aragón de Mendoza (Mendoza)
- Centro Aragonés de Córdoba (Córdoba)
- Centro Aragonés de La Plata (La Plata)
- Centro Aragonés de Rosario (Rosario)
- Círculo de Aragón en Buenos Aires (Buenos Aires)
- Unión Aragonesa del Mar del Plata (Mar del Plata)
Chile
- Colectividad Aragonesa de Chile (Las Condes)
Cuba
- Sociedad Aragonesa de Beneficencia de Cuba (L'Habana)
Brasil
- Asociación de los Amigos de Aragón (Curitiba)
Mexico
- Centro Aragonés de México D.F. (Ciudat de Mexico)
Venezuela
- Agrupación Aragonesa de Venezuela (Caracas)