Centro Aragonés de Barcelona
O Centro Aragonés de Barcelona ye una asociación fundada l'anyo 1909 pa dar acullida a los numerosos aragoneses que viven en a ciudat de Barcelona y en a suya aria metropolitana. Conta con bels 2.100 socios y entre d'atras actividaz organiza cursos d'ixotas, aragonés y tallers d'indumentaria aragonesa. A suya seu tien una sala d'actos, una cambra d'exposicions y una biblioteca que conta con alto u baixo 15.000 volumens.
En Barcelona tamién existe una atra casa rechional aragonesa, o Centro Aragonés de Sarrià, con a suya seu en a carrera Fontcuberta, num. 23.
Seu
editarTien a suya seu en a carrera Joaquín Costa, num. 68, de Barcelona, en un edificio construyiu per Miguel Ángel Navarro Pérez en 1916 sobre lo vago d'o que yeran as enrunas d'o convento de Valldonzella.
En a suya construcción s'incluyioron de forma simbolica tres piedras de cada una d'as provincias d'Aragón: una de Zaragoza, perteneixient a la muralla romana d'o Paseyo de l'Ebro, chunto a lo convento d'o Santo Sepulcro; unatra de Teruel, una piedra picata d'o torrión d'Andaquilla, y unatra de Uesca, presa d'a viella muralla d'a ciudat en a ronda de Montearagón.
Pa la fiesta d'inaguración, celebrada lo 7 de setiembre de 1916, acudioron una numerosa multitut con muitas autoridaz, periodistas y visitants (mesmo i plegoron dos trens con 1.200 personas dende Zaragoza). Se fació una minchada con mas de 500 convidaus amás d'un desfile con a Banda Municipal de Barcelona encabezando la marcha.
Presidents
editarLista de presidents d'o Centro Aragonés de Barcelona dende la suya fundación:
Vinclos externos
editar
Datos: Q19632118
Multimedia: Centro Aragonés de Barcelona / Q19632118
