A Guarta

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A Guarta (Laguarta en castellano) ye un lugar d'a provincia de Uesca situato en o municipio de Samianigo, en l'Alto Galligo. Ye a capital d'a Guarguera.

A Guarta Laguarta
Lugar d'Aragón
A ilesia d'a Guarta
Entidat  • País  • Provincia  • Comarca  • Municipio	Lugar  Aragón  Uesca Alto Galligo Samianigo
Partiu chudicial	Chaca
Población  • Total	6 hab. (2021)
Altaria  • Meyana	1.184 m.
Codigo postal	22623
Parroquial  • Diocesi  • Arcipestrau  • Parroquia	Chaca Samianigo Sant Salvador
Coordenadas	42°24’50’’N 0° 7’ 8’’U
A Guarta A Guarta en Aragón

Toponimia

A part principal d'o toponimo deriva d'o latín HORTUS y presenta un diftongo -ua-, caracter fonetico arcaico propio de l'aragonés medieval preliterario y que encara conserva part de l'aragonés centro-oriental entre las vals de Broto y Vio. De fueras d'estas vals, en aragonés cheneral medieval y actual s'emplega as palabras huerto y huerta con diftongo -ue-. En Ribagorza Baixa bi ha microtoponimos documentals que fa uns sieglos s'escribiban con La Guarta y corresponden a microtoponimos actuals que se presentan la pronunciación Güerta d'acuerdo con la parla ribagorzana actual, en especial en Cancer (la Guarta de Atas, 1684), Chuseu (Laguarta, 1862), Pueyo de Marguillén (la guarta de Pueyo, 1683) y Pui de Cinca (Laguarta, 1682).

L'ALEANR amuestra como forma tradicional d'o toponimo a forma toponimica con l'articlo definiu la: Laguarta. Lo emplego d'este articlo contrasta con l'actual aragonés de Sarrablo, que no se caracteriza por este articlo y presenta os articlos o, os, a, as con restos d'emplego postvocalico de ro, ros, ra, ras. En os textos medievals escritos en latín u en aragonés tamién se documenta Laguarta u La Guarta:

Item de Ayneto por V fuegos, a razón de XIII sueldos por fuego 3 libras, 5 sueldos [696] Item de La Guarta por VI fuegos, a razón de XIII sueldos por fuego 3 libras, 18 sueldos [697] Item de Matirero por II fuegos, a razón de XIII sueldos por fuego 1 libras, 6 sueldos

Manimenos, bi ha un despoblau homonimo d'a redolada d'Alquezra que si que podría haber teniu l'articlo a por documentar-se en os textos medievals como Aguarta de los Abades.

En bel texto escrito en Yebra de Basa en o sieglo XVII, sieglo cuan no ya no s'escribiba en aragonés en Aragón pero se continaba charrando, se puede veyer Aguarta:

A dos días de Diciembre, año de 1627, en la Iglesia Parroquial de Yebra, y en presencia de mí, Pedro Pérez, rector de la dicha iglesia, precedido de las católicas moniciones, fueron casados Silvestre Pérez, hijo de Amador Pérez y María López, del lugar de Sasa y Mariana Villacampa, hija de Jerónimo Villacampa y Esperanza Grassa del lugar de Aguarta (sic), y el mismo día oyeron la misa nupcial

A 20 de Octubre año mil seiscientos cuarenta y ocho, fueron desposados en la Iglesia Parrochial de Yebra, trina precedente canónica monitione, in facie eclesia y en  presencia del Reverendo Gerónimo Villacampa, Rector de Aguarta, con  licencia de mí, Pedro Pérez, rector de Yebra,

Luengas y parlas

Ta más detalles, veyer l'articlo Aragonés sarrablésveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

A luenga tradicional d'esta localidat ye l'aragonés, en grau abanzau de substitución por part d'o castellano ya en as zagueras decadas d'o sieglo XX. A parla local aragonesa ye o sarrablés y fa part de l'aragonés centro-occidental.

O lexico aragonés d'intrés etnografico d'A Guarta se conoix relativament bien por figurar esta localidat en l'ALEANR, con a sigla Hu 111.

Demografía

Evolución demografica

1992 1994 1996 1997 1998 1999 2000 2001 2002 - - - - - - 4 - -

2003 2004 2005 2006 2007 2008 2009 2010 2011 - - 8 - - - - 12 -

2012 2013 2014 2015 2016 2017 2018 2019 2020 - - - 12 - - - - 6

1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Molimentos

• A Ilesia de Sant Salvador d'a Guarta, una ilesia d'os sieglos XVII-XVIII adedicada a Sant Salvador, que ye la ilesia parroquial d'o lugar.
• Casa d'o Sinyor de Guarta, casa d'o sieglo XVII, catalogada como bien arquitectonico.

Referencias

• Datos: Q3572593
• Multimedia: Laguarta / Q3572593