Cartirana

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Cartirana ye un lugar d'a provincia de Uesca situato en o municipio de Samianigo, en a comarca de l'Alto Galligo. Se troba a man de Samianigo en dirección a la val d'Acumuer.

Cartirana
Lugar d'Aragón
Entidat  • País  • Provincia  • Comarca  • Municipio	Lugar  Aragón  Uesca Alto Galligo Samianigo
Partiu chudicial	Chaca
Población  • Total	53 hab. (2016)
Altaria  • Meyana	857 m.
Distancia  • 53 km	enta Uesca
Codigo postal	22612
Chentilicio	cartiranense
Parroquial  • Diocesi  • Arcipestrau	Chaca Samianigo
Coordenadas	42°31’55’’N 0°22’55’’U
Cartirana Cartirana en Aragón

A la fin d'o sieglo XV b'heban 8 fuegos en o lugar, estando a meyatos d'o sieglo XIX 5 fuegos y 30 habitants, y ya en 1981 yeran 51 os habitants. Estió d'a sobrecullita, vereda y correchimiento de Chaca, creyando lo suyo propio municipio en 1834 y mas tardi unindo-se a Aurín y Borrés en 1845 y dimpués a Larrés entre 1930 y 1940, estando actualment toz lugars d'o municipio de Samianigo.

Apareixe documentato lo lugar en l'anyo 1100 en o testamento d'un hombre dito April que diz teneba en a localidat "meschinos" y un "palacium". Tamién apareixe en atros documentos d'o sieglo XII sobre as propiedaz d'os monesterios de Fanlo y Mont Aragón.

Molimentos

A frontera d'a ilesia suya, con un arco de ferradura yera d'una anterior ilesia d'estilo mozarabe. Se tracta d'a Ilesia de Sant Martín de Tours de Cartirana, una ilesia en estilo barroco adedicada a Sant Martín de Tours, que ye la ilesia parroquial d'o lugar. Ye un edificio en mampostería con piedra picada en os suyos cantos con nomás que una sola nau dividida en tres trampos con vuelta de canyón, con una chicota capiella lateral y con una torre adosada.

Bi ha dos ermitas amán d'o lugar, adedicatas a Sant Cosme y Santa Lucia, ista zaguera de l'anyo 1701, pero reconstruita en 1981 cuan yera en runas.

Entre l'arquitectura popular destacan casa Usieto y casa Pavlo con as suyas portaladas adintelatas u casa Latas con a puerta adovelata. Por atra parti casa Escolano conserva as millors caracteristicas de l'arquitectura popular sarrablesa como a chaminera tronco-conica, as finestras enmarcatas de calso u o tipico furno.

Bibliografía

• (es) Zapater, Alfonso: Aragón pueblo a pueblo, 4. Mainer Til Editores, S.L. ISBN 84-89122-03-2.