Ibirque
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Ibirque ye un lugar d'a provincia de Uesca situato en a Guarguera, en o municipio de Samianigo.
| Ibirque | |
| Despoblau d'Aragón | |
 Caseta d'as bruixas | |
| Entidat • País • Provincia • Comarca • Municipio |
Despoblau Aragón.svg){kind=small} UescaAlto Galligo Samianigo |
| Partiu chudicial | Chaca |
| Población • Total |
0 hab. |
| Altaria • Meyana |
1330 m. |
| Parroquial • Diocesi • Arcipestrau • Parroquia |
Chaca Samianigo Sant Martín de Tours |
| Coordenadas | |
Cheografía
editarO lugar se troba en a versant norte d'a Sierra de Guara y se puet i plegar dende o Monrepós por un camín forestal.
Historia
editarAnque hue ye deshabitato de tot as suyas casas son en ruinas, encara teneba a meyatos d'os sieglo XIX 10 fuegos y 74 habitants. Os suyos zaguers habitadors se'n fuoron en os anyos sisanta d'o sieglo XX.
Molimentos
editarA Ilesia de Sant Martín de Tours d'Ibirque, una ilesia d'os sieglos XVII-XVIII adedicada a Sant Martín de Tours, que ye la ilesia parroquial d'o lugar y hue se troba en runas.[1] Ye un edificio en mampostería irregular con piedra picada en las suyas esquinas, de nomás que una sola nau con planta rectangular y con dos capiellas, una a cadagún d'os suyos cantos, cubiertas con vuelta de canyón y dentrando-ie a traviés d'arcos de meyo punto y con un campanal.[2] En o canto ueste de l'edificio se bi troba la suya dentrada, a traviés d'un arco de meyo punto.[2] En l'interior suyo, la nau ye dividida en tres trampos y yera cubierta por vuelta de canyón con lunetos, hue espaldada.[2]
Entre a suya arquitectura popular destaca casa Otín.
Por atra parti ye important o dolmen d'Ibirque, situato amán d'o lugar, cuasi ya en o municipio de Nocito. Descubierto en 1949 y dito popularment a "caseta d'as bruixas", porque se diz que istas s'acubillaban astí, ye un d'os prencipals molimentos megaliticos d'a comarca de l'Alto Galligo.
Referencias
editar- ↑ (es) Parroquias del Arciprestazgo de Sabiñánigo en o sitio web d'a Diocesi de Chaca.
- ↑ 2,0 2,1 2,2 (es) Iglesia de San Martín de Tours de Ibirque en o sitio web d'o Sistema de Información del Patrimonio Cultural Aragonés.
Datos: Q3571779
