Chuseu

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Chuseu (en grafía SLA Juseu , en catalán Jusseu, en castellano Juseu) ye un lugar a 13 km de Graus y perteneixient a este municipio, situau en la comarca de Ribagorza. En 2019 teneba 18 habitants.

Chuseu
Lugar d'Aragón
Entidat  • País  • Provincia  • Comarca  • Municipio	Lugar  Aragón  Uesca Ribagorza Graus
Partiu chudicial	Balbastro
Población  • Total	18 hab.
Altaria  • Meyana	778 m.
Distancia  • 97 km	enta Uesca
Codigo postal	22430
Parroquial  • Diocesi  • Arcipestrau  • Parroquia	Balbastro-Monzón Sobrarbe-Ribagorza Sant Chulián
Coordenadas	42° 5’35’’N 0°22’34’’E
Chuseu Chuseu en Aragón

Cheografía

Chuseu ye a lo norte de la sierra de la Carrodilla. Bi ha una buena envista de la val de Sarrón.

Toponimia

Seguntes Coromines lo toponimo vien de IOVIS AEDES u templo de Chupiter:

• IOVIS AEDES > Jov seu > Chuseu.

En las primeras mencions documentals en 987 escribiban n (jonsed, jonsed) en cuenta de u, se crei que como error de copista, pero que puet estar pa amagar lo recuerdo pagano y fer-lo mas pareixiu a puesto con chuncos. En un texto de lo "Cartulario de Roda" de 1011-1017 se vei clarament Joveset.

Molimentos

• Ilesia parroquial de Sant Chulián, sieglo XVIII.
• Restas d'un castiello-fortaleza.
• Ermita de Sant Salvador (uno de los epitetos de Chupiter yera SOTER salvador).

Luengas y parlas

La parla tradicional de Chuseu ye l'aragonés baixo-ribagorzano, en grau abanzau de substitución por part de lo castellano. Lo baixo-ribagorzano de Chuseu ye en una zona de de transición estricta u microcheografica entre l'aragonés y catalán. Seguntes lo mapa feito por Artur Quintana i Font la linia Chuseu-Torres-Alins desparte a l'este parlas catalanas de transición enta l'aragonés y a l'ueste parlas aragonesas de transición enta lo catalán.

En Chuseu y Aler lo participio de lo verbo ser ye en -ito, sito, relacionau con set de lo catalán nordoccidental de bel lugar d'Aragón u que muga con Aragón, y sit de lo maellán. En Chuseu y Torres bi ha ciertas palabras no diftongadas como espòna (pronunciada con o ubierta).

Unatra cosa intresant de la parla de transición de Chuseu y d'atros lugars de la val de Sarrón, como Aler y Torres, ye que la terminación -rn de lo catalán se pronuncia -rt (fort, hivèrt, infèrt en cuenta de forn, hivern y infern).

Fiestas

• Santo Cristo, 15 d'agosto.

Referencias

• Datos: Q13048764