Senegüé

Senegüé ye un lugar d'a provincia de Uesca situato en o municipio de Samianigo en a comarca de l'Alto Galligo. Ye mán de Sorripas, con a quala formaba tradicionalment municipio. Ye o más gran d'os nuclios rurals dependients d'o concello de Samianigo.

Senegüé
Localidat d'Aragón
A ilesia y o lugar de Senegüé
Entidat  • País  • Provincia  • Comarca  • Municipio	Lugar Aragón  Uesca Alto Galligo Samianigo
Población  • Total	81 hab. (1999)
Altaria	820 m.
Distancia  • 56 km	enta Uesca
Codigo postal	22600
Chentilicio	senegüense
Parroquial  • Diocesi  •Arciprestato	Chaca Samianigo

Toponimia

En bell texto medievals se puet leyer Senebue, como en a "Colección de documentos en romanz d'o Monesterio de Sant Chuan d'a Penya":

, vecinos de Senebue, acordadament e de cierta scíencia, a remedio de nuestras animas, damos e femos donacion e cesion entre vivos a la horden de Sant Johan de la Penna, es a saber, todo quanto heredamiento nos hemos ni haver devemos en las villas de Senebue e de Soripas e en todos sus terminos.

En o fogache ordenau en as Cortz de Maella en 1405 s'escribe Senebuey:

...recebido de los infancones del lugar de Senebuey por hueyto fuegos...

Cheografía

Se troba enclavato en o mesmo puesto a on yera a morrena de Senegüé, una morrena frontal d'a chelera d'a Val de Tena, conservando-se a forma perfecta d'arco.

A suya economía s'alazeta en l'agricultura, a ganadería, a industria, sobretot a 5 km en Samianigo y a fabrica de siero fisiolochico de Bieffe Medital, situata entre Senegüé y Sorripas dende 1994. Hue tamién ye important o torismo más que más relacionato con a nieu u as ilesias romanicas de Sarrablo.

Molimentos

• Cruzero "O Redol" d'o sieglo XVII, construyito en 1665.
• Ermita d'a Virchen d'o Collado d'o sieglo XVI, situata en chicot tozal d'a morrena terminal d'a chelera de Tena.
• O puent de fusta sobre o río Galligo que une Senegüé con Larrede.
• A torre esfensiva d'o sieglo XVI, en a suya parti baixa bi ye l'antiga garchola.
• A ilesia de Nuestra Sinyora de l'Asumpción d'estilo barroco y construita en o sieglo XVII. Os muros laterals son de l'antiga ilesia d'estilo romanico (sieglos XVI y XVII) que yera adedicata a Sant Satornín. A torre d'a ilesia ya existiba en o sieglo XVI.

Fiestas

• 29 de setiembre, en honor a Sant Miguel Arcánchel.

Vinclos externos

• www.senegue.com