Carrascal

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Un carrascal, carrascar u carrascosa ye una selva u matical a on predomina la carrasca. Ye la forma arquetipica de vechetación mediterrania.

Carrascal en lo Parque Natural de Sant Llorenç del Munt i l'Obac.

Lo carrascal climax ye una selva a on lo estrato arborio deixa pasar prou luz pa que se desembolique un matical u estrato arbustivo denso. Ixe estrato arbustivo se queda cuasi tota la luz y no deixa que se desembolique un estrato herbacio contino.

En la Peninsula Iberica bi ha muitas clases de carrascals con diferents especies acompanyants seguntes lo clima y suelo.

• Los carrascals son caracteristicos de lo paisache de lo semontano pirenenco.
• En lo Prepireneu catalán bi ha carrascals montans de caracter submediterranio, con especies tipicas de selvas caducifolias.
• En zonas costeras d'Occitania a Norte de Catalunya se troba lo carrascal litoral con a subespecie Quercus ilex ilex.
• En atras zonas d'o Levant peninsular Quercus ilex ilex ye sustituita por a subespecie Quercus ilex ballota y domina a formación dita "carrascal termofilo levantín".
• En as parameras d'o Sistema Iberico as condicions de continentalidat extrema y gran sequedat fan que lo que trobemos siga un carrascal de paramera arbustivo y pobre en especies.
• En la costa cantabrica bi ha carrascals relictos d'un tiempo mes calido y que sobreviven aproveitando microclimas.

En la toponimia los carrascals amaneixen con parabras como carrascal u cercito (de lo latín QUERCETUM) en arias aragonesoparlants. En atras zonas de la peninsula a parte de carrascal, tamién amaneixen como carrasqueta (en Alcoi) u carrascosa.