Sant Chuan (Toledo d'a Nata)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre Sant Chuan, que ye un lugar en a Fueva. Ta altros usos de «Sant Chuan» se veiga Sant Chuan (desambigación).

Sant Chuan (oficialment, en castellano, «San Juan», enantes «San Juan de Toledo de Lanata») ye un lugar aragonés d'o municipio d'a Fueva, en a provincia de Uesca y comarca de Sobrarbe. A suya población ye d'11 habitants (2011).

Sant Chuan
Lugar d'Aragón
Ilesia de Sant Chuan d'o Toledo d'a Nata
Entidat  • País  • Provincia  • Comarca  • Municipio	Lugar  Aragón  Uesca Sobrarbe A Fueva (municipio)
Partiu chudicial	Boltanya
Población  • Total	11 hab. (2011)
Altaria  • Meyana	907 m.
Distancia  • 128 km  • 18 km  • 12 km	enta Uesca enta L'Aínsa enta Tierrantona
Codigo postal	22452
Patrons	Asumpción de María
Parroquial  • Diocesi  • Arcipestrau	Balbastro-Monzón Sobrarbe-Ribagorza
Ríos	A Nata
Coordenadas
Sant Chuan Sant Chuan en Aragón

Sant Chuan se troba en as garras d'un cerro prominent, que en a redolada recibe o significativo nombre de «Toledo d'a Nata», en a baixant sud d'a Sierra Ferrera cara a la depresión d'a Fueva, en estando-ie un d'os lugars mas oriental d'el que gosa decir-se Baixo Penyas. Como parte d'a subcomarca natural que ye a Fueva, no i queda mas ta l'este si que a Cabezonada y as Corz d'antes no s'arribe t'o Collau de Foradada, que desepara a Fueva y o Sobrarbe d'a vecina Ribagorza.

O nombre d'o lugar dimana d'a ilesia de Sant Chuan d'o Toledo d'a Nata, una ilesia romanica d'a primera mitat d'o sieglo XII que en primeras yera tributadera d'un castiello (mas especificament, un «toledo») que i heba en o cerro que domina o lugar. O castiello orichinal, en l'actualidat desapareixido, les dio lo nombre a la ilesia y a o cerro a on se trobaba, y ye d'él d'a on dimanan belaltros nombres historicos en a redolada, como o municipio de Toledo d'a Nata en o que fizon parte Sant Chuan y belaltros nuclios d'o Baixo Penyas.

Sant Chuan ye comunicau con a carretera N-260 (l'Aínsa-Campo) con una pista no asfaltada de 3,5 Km, que el comunica tamién con l'Atiart (aproximadament, a la mitat d'o recorrido). Guarda camins tradicionals, transitables a peu, que el comunican con a Cabezonada, en travesando as Natas, y con Moliniás y o Mediano por as faixas d'«o Coscollar».

A ilesia, restaurada en a primera mitat d'a decada de 2000, ye vesitable y disposa de vesitas guiadas en os meses de chuliol y agosto. As vesitas guiadas no se fan toz os días d'a semana, por o que cal informar-se enantes.

Demografía

Evolución demografica

1992 1994 1996 1997 1998 1999 2000 2001 2002 - - - - - - 11 9 9

2003 2004 2005 2006 2007 2008 2009 2010 2011 9 8 8 10 9 9 11 11 11

2021 2022 2023 2024 2025 2026 2027 2028 - - - - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Imáchens

• 
  Vista cheneral
• 
  Interior d'a nau
• 
  Frescos en a ilesia.
• 
  Ilesia por a zaga

Fiestas

• 15 d'agosto, Fiesta Mayor de Toledo d'a Nata, fendo-le honras a Santa María de l'Asumpción, que se celebra de conchunta con os vecins de Sant Per, con l'Atiart, a Cabezonada, Fuent de Campo y Fosau.
• 4 d'aviento, fiesta d'hibierno, fendo-le honras a Santa Barbara, que ye a patrona de a Cabezonada.

Vinclos externos

• Se veigan as imáchens de Commons sobre Sant Chuan.

• Datos: Q9073511
• Multimedia: San Juan de Toledo de Lanata / Q9073511