Frontinyán
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Frontinyán (oficialment, en castellano, Frontiñán[1][2]) ye una aldeya aragonesa d'o municipio de l'Aínsa-Sobrarbe, en a comarca de Sobrarbe y a provincia de Uesca. A suya población ye de 0 habitants.
| Frontinyán Frontiñán | |
| Despoblau d'Aragón | |
| Entidat • País • Provincia • Comarca • Municipio |
Despoblau Aragón.svg){kind=small} UescaSobrarbe l'Aínsa-Sobrarbe |
| Partiu chudicial | Boltanya |
| Población • Total |
0 hab. (2011) |
| Altaria • Meyana |
780 m. |
| Distancia • 75 km • 32,6 km |
enta Uesca enta l'Aínsa |
| Codigo postal | 22330 |
| Parroquial • Diocesi • Arcipestrau |
Uesca Semontano-Sobrarbe |
| Ríos | Barranco de Sant Chils |
| Coordenadas | |
En l'actualidat y dende meyanías d'o sieglo XX se troba despoblau, y no se guarda de piet garra vivienda.[2] Feba parte de l'antigo municipio d'o Elsón, en chunto con Mondot, o Elsón y Chabierre. En a decada de 1960 fue absorviu en o municipio d'Alto Sobrarbe,[3] que dende 1981 ye parte integradera en o termino de l'Aínsa-Sobrarbe.[3]
Cheografía
editarFrontinyán se troba en a valleta d'o barranco de Sant Chils, afluent d'o Susía y por tanto en a cuenca hidrolochica de o dito río, afluent d'o río Cinca. Fa parte de o cuadrant sud-occidental d'a comarca de Sobrarbe, en ueste d'a Cinca y en sud de l'Ara; a sub-comarca tradicional que se diz «o Viello Sobrarbe».
Se concara con a casa de a Coloma, en alto d'un cerret[2] en a cuentra d'o barranco, y ye accesible por un camino que ranca d'Hespitalet d'Espluguiello, alto en l'augua-partient contra la valle d'o río Vero.
En l'actualidat, en Frontinyán se i puede destinguir as enrunas d'una casa, anque en i pudon estar dos d'alcuerdo con bels autors.[2] I heba una capiella que se reconvirtió en una ferrería,[2] y cualques edificios auxiliars como corrals y bordas. Conoixió a suya población maxima documentada en os anyos 1920, con 10 habitants.[2]
Toponimia
editarO toponimo Frontinyán dimana d'un antigo poblador d'epoca latina, de nombre <FRONTINIU u Frontinio, d'alcuerdo con Manuel Benito Moliner.[4] O toponimo incorporaría, por tanto, a terminación -án/-ano que expresa (entre belatras cosas) pertinencia a un personache historico u sisquiera un antigo propietario rural, como tamién pasa en o toponimo «o Mediano»[4] (en a Fueva) d'alcuerdo con o mesmo autor.
Se veiga tamién
editarReferencias
editar- ↑ (es) ACÍN FANLO, José Luis. Paisajes con memoria; Viaje a los pueblos deshabitados del Alto Aragón (7ª Ed.). Ed. PRAMES; Zaragoza, 2006. ISBN 84-8321-202-1
- ↑ 2,0 2,1 2,2 2,3 2,4 2,5 (es) «Frontiñán» en o blog Despoblados de Huesca; consultau o 20 d'octubre de 2012.
- ↑ 3,0 3,1 (es) «Alto Sobrarbe» en a subpachina «Alteraciones de los municipios en los Censos de Población desde 1842» d'o Instituto Nacional de Estadística, consultada o 20 d'octubre de 2012.
- ↑ 4,0 4,1 (es) Índice de pueblos del Alto Aragón, el orígen de sus nombres. Por Manuel Benito Moliner. Consultau o 20 d'octubre de 2012.
Vinclos externos
editar
| Lugars d'o municipio de l'Aínsa-Sobrarbe | |
|---|---|
| Poblaus: L'Aínsa | l'Arcusa | Arro | Banastón | As Bellostas | Buil | Camporretuno | Castellaz | Castillón de Sobrarbe | Chabierre d'o Elsón | Cherbe | O Coscollar | Cosculluela de Sobrarbe | O Elsón | Griébal | Guaso | Mondot | Moriello de Tou | A Pardina | Paúls de Sasa | Sarratiello | Sasa de Surta | A Torre | A Torriciella | Usana Despoblaus: Bagüeste | Bruello | A Capana | Coroniellas | La Escapa | Frontinyán | A Gabardiella | Gallinero Alto | Gallinero Baixo | A Lecina | Liners | Mesón de Cosculluela | Paciniás | Pelegrín | Plampalacios | Puivalleta | La Ripa | Os Rials | O Sarrastanyo | Sarratiás | O Sarrato | Tou |
Datos: Q11207165
