Abrir menú principal

A Torre (Castillón de Sobrarbe)

Iste articlo tracta sobre A Torre, que ye un lugar d'o municipio de l'Aínsa-Sobrarbe. Ta altros usos d'o toponimo «A Torre» se veiga A Torre (desambigación), y ta l'apellido se veiga Apellito Latorre.

A Torre[1] (oficialment, en castellano, «Latorre»[2]) ye una aldeya d'o municipio de l'Aínsa-Sobrarbe, en a provincia de Uesca y en a comarca d'o Sobrarbe. A suya población ye de 4 habitants (2018).[2]

A Torre
Localidat d'Aragón
166.Latorre.jpg
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Sobrarbe
l'Aínsa-Sobrarbe
Población
 • Total

4 hab. (2018)
Altaria 560 m.
Distancia
 • 99 km
 • 19,5 km

enta Uesca
enta l'Aínsa
Codigo postal 22330
Chentilicio torrero/-a
Patrons Sant Chusé
Parroquial
 • Diocesi
 •Arciprestato

Uesca
Semontano y Sobrarbe
Ríos Susía
A Torre en Aragón
A Torre
A Torre
Situación de A Torre en Aragón

A Torre ye una aldeya tradicional de Castillón de Sobrarbe,[1] d'a on que dista bell kilometro y meyo. En chunto con a Pardina y con Castillón formaban l'achuntamiento de Castillón de Sobrarbe, que desapareixió absorvido por o municipio de l'Aínsa en a decada de 1960.[3]

CheografíaEditar

A Torre de troba a 560 metros d'altaria sobre o nivel d'a mar,[4] en un sarrato, plano por alto, que s'adintra en a valle d'o Susía, tot forzando a'l río a fer un recolón por debaixo de lugar.

Se troba en o sud de o gran termino municipal de l'Aínsa-Sobrarbe, quasi en a muga con o termino de l'Abizanda, y confronta en a valle d'o Susía con Lamata (sud-sudeste) y Chabierre d'o Elsón (sud), en a cuentra d'o río.

Por debaixo d'as casas de a Torre i esnaviesa un barranco que se diz de Talavera,[4] afluent d'o río Susía, que confluye con ixe chusto a ran de a Torre. Por a suya posición, en a valle d'o río Susía, a Torre fa parte efectiva d'a subcomarca tradicional que se conoix como o Viello Sobrarbe.

L'aldeya ye en o camín (actual pista asfaltada) que comunica Castillón de Sobrarbe con Mediano nuevo. Por tanto, tiene comunicación directa con a carretera autonomica A-138 (Balbastro-l'Aínsa-Bielsa), d'a on que a pista local ranca sinyalizada en o lateral. Ye a 1.000 metros escasos dimpuesas de a Pardina, en puyando por a dita carretereta, y a bell kilometro y meyo d'antes d'arribar ta Castillón.

DemografíaEditar

Evolución demografica
1992 1994 1996 1997 1998 1999 2000 2001 2002
- - - - - 12 7 8 8

2003 2004 2005 2006 2007 2008 2009 2010 2011
12 12 12 12 13 12 12 9 7

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

MonimentosEditar

 
A ilesia de Sant Chusé, d'o sieglo XVI, y de fundo a valle d'o Susía y a sierra de l'Entremont.

O monimento principal en a Torre ye a suya ilesia, consagrada a l'advocación de Sant Chusé, patrón de lugar. Ye un edificio d'o sieglo XVI,[4] que guarda paretz meyanils con un casal fuerte que actualment ye espaldau. A torre que a dita casa teneba ta defensa fizo a función de campanal ta la ilesia.

Adebant d'a ilesia i ha o crucero d'a Torre, declarau Bien d'Intrés Cultural (codigo SIPCA 1-INM-HUE-003-907-214). O crucero, a ilesia y as enrunas d'aquell casal fuerte son en un vico deseparau bells 100 m d'a on que en l'actualidat son a mayoría d'as casas de l'aldeya, que forman unatro vico en a cuentra d'a carretera de Castillón.

En ixe segundo vico ye a on ye a plaza d'a localidat, y a cruz de suelo d'a Torre, a cruz de suelo d'a localidat, que tamién ye declarada Bien d'Intrés Cultural (SIPCA 1-INM-HUE-003-907-360).

FiestasEditar

ReferenciasEditar

Vinclos externosEditar