Abrir menú principal
Iste articlo tracta sobre o lugar de Castillón de Sobrarbe. Ta atros usos d'o toponimo «Castillón», se veiga Castillón (desambigación).

Castillón de Sobrarbe[1] (oficialment, en castellano, «Castejón de Sobrarbe»[2]) ye un lugar aragonés d'o municipio de l'Aínsa-Sobrarbe, en a comarca d'o Sobrarbe y provincia de Uesca. A suya población ye de 8 habitants (2011[2]).

Castillón de Sobrarbe
Localidat d'Aragón
233.Castejón de Sobrarbe.JPG
Envista parcial de Castillón de Sobrarbe.
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Sobrarbe
L'Aínsa-Sobrarbe
Población
 • Total

8 hab. (2011)
Altaria 603 m.
Distancia
 • 101 km
 • 21,5 km

enta Uesca
enta L'Aínsa
Codigo postal 22330
Chentilicio castillonero/-a
Patrons Sant Póliz
Parroquial
 • Diocesi
 •Arciprestato

Uesca
Semontano y Sobrarbe
Castillón de Sobrarbe en Aragón
Castillón de Sobrarbe
Castillón de Sobrarbe
Situación de Castillón de Sobrarbe en Aragón

Castillón de Sobrarbe fue capital d'o municipio homonimo, que formaba en chunto con a Pardina y con a Torre, as suyas aldeyas, dende a primer constitución d'os municipios modernos en 1834. En 1845 se les unió Camporretuno,[3] que enantes heba estau un municipio independient. O municipio de Castillón desapareixió en a decada de 1960, absorviu en o municipio de l'Aínsa.[4]

Contenius

CheografíaEditar

Castillón de Sobrarbe se troba a 603 metros d'altaria, en a valle d'o río Susía, y fa parte d'o que tradicionalment se conoix como o Viello Sobrarbe. Ye en un sarrato Norte→sud que se prolarga como estribación d'o sistema de Buil-Camporretuno de camín cara ta'l Susía, con o barranco de Castillón por a baixant occidental y unatro barranco más fino, afluent de l'anterior, por a man oriental.

 
Por alto de lugar s'envista un tozal, a on que se troba as enrunas d'o castiello d'o Castellar.

Por alto d'a población, se'n destaca un tozal con a punta de penya, a on que encara en l'actualidat se i puede vesitar as enrunas d'una torre, que correspondeba a o castiello que posiblement le da nombre a Castillón,[5] y que en a redolada se conoix como lo Castellar.[6]

Ta Castillón se i arriba por a carretera local HU-V-3611, que i remata. Ista carretera se pilla en Mediano nuevo, en l'A-138, y esnaviesa por a Pardina y por a Torre, que son aldeyas historicas de Castillón, tot comunicando as tres poblacions d'a ribera izquierda d'o Susía.

DemografíaEditar

Evolución demografica
1992 1994 1996 1997 1998 1999 2000 2001 2002
- - - - - - 7 6 5

2003 2004 2005 2006 2007 2008 2009 2010 2011
5 4 4 5 8 8 8 8 8

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

MonimentosEditar

 
A ilesia de l'Asumpción, d'o sieglo XVI. En l'actualidat en prou mal estau.

O monimento mas destacable de Castillón ye a suya ilesia, antiga parroquial, que data d'o sieglo XVI.

A ilesia tiene diferents inscripcions feitas en momentos dispersos en a Historia, por o que se'n puede dar treslau d'as diferents epocas constructivas. O cuerpo principal, que ye un d'os mas voluminosos en a comarca d'o Sobrarbe, data d'o sieglo XVI y tiene una doble inscripción: La una ye una calendata, de 1547 y ubicada en a portalada, en a que se lei un mensache parcialment conservau «maestro Miguel de [...]»; a segunda ye una inscripción en o interior, a on que i diz «Johan Tellet me fyzo 1557». O dito Chuan Tellet tamién ye o mayestro de a ilesia de Santa Olaria d'o Elsón.

A ilesia destaca por a suya voluminosa nau, altera, y a torre d'o campanal, robusta y d'estilo clarament gotico funcional, a l'estilo de como se feban en l'Alto Aragón a part d'alavetz.

En l'actualidat, o templo se troba zarrau a'l publico por o suyo mal estau. Bells trozos de tellau s'ha mirau ta protecher-los, provisionalment, con lonas que fan fiero a l'aspecto pero que se miran ta privar que l'augua percole t'adintro.

Además, en o tozal que ha o mismo nombre, se i puede vesitar as enrunas d'o Castellar, que ye declarau Bien d'Intrés Cultural (codigo SIPCA 1-INM-HUE-003-907-010).

ToponimiaEditar

 
950 anyos de Castellone, 1049-1999.

O nombre de Castillón fa referencia a la presencia d'un castiello en os arredols,[5] que beluns situan en as enrunas d'o Castellar, en l'altura d'o cerro que sinyorea la población por alto.

En os textos medievals i amaneix de tant antigos como dende o sieglo XI, de quan se'n tiene una mención, a primera, en l'anyo 1049 y con o nombre de «Castellone». Sobre ixa primer mención penchón una placa conmemorativa que se puede veyer en a frontera d'una casa d'o lugar, tot recordando os 950 anyos d'existencia documentada de Castillón.

ImáchensEditar

FiestasEditar

Se veiga tamiénEditar

ReferenciasEditar

Vinclos externosEditar